Forým moderatory - Qazaqstan Respýblıkasy Prezıdenti janyndaǵy Memlekettik basqarý akademııasynyń Aqparattyq tehnologııalardy damytý jónindegi Vıse-rektory Álııa Muhamedjanova.
Jıynda baıandama jasaǵandar aımaqtaǵy bilim berý jáne jumyspen qamtý salasynyń keleshegi, jyldam ózgeretin zamanaýı eńbek naryǵy jaǵdaıyndaǵy jańa syn-qaterler men múmkindikter, sııaqty ózekti máseleler týraly aıtty.
Qyzylorda oblysynyń ákimi Q.Kósherbaev forým jumysyna sáttilik tilep, adam kapıtalyn damytý aımaqtyń basymdyqtarynyń biri ekenin atap ótti.
«Biz tórtinshi Internet-forýmdy adam kapıtalyn damytýǵa arnap otyrmyz. О́ıtkeni álemdik tájirıbe kórsetkendeı, qazirgi kezeńde memlekettiń ekonomıkalyq ósýiniń sheshýshi faktory - adam kapıtalyn qalyptastyrý men damytýǵa baılanysty ınvestısııalar. Álemde bilim berýdi damytýǵa memlekettik shyǵystar burynnan áleýmettik shyǵyndar retinde eseptelmeıdi. Sebebi bul - tabys ákeletin ınvestısııa. «Barlyǵyn kadrlar sheshetinin» túsinemiz, sondyqtan oblystyq bıýdjettiń 40% astamyn bilim berý salasyna baǵyttaımyz», - dep atap ótti aımaq basshysy.
Máselen, Qyzylorda oblysynda "HackDay" jas IT-mamandardyń birinshi óńirlik festıvali uıymdastyryldy. Qazirgi tańda Qyzylorda jastary "IT-eshelon" jobasy aıasynda veb-baǵdarlamalaý negizderi men frontend-ázirlemeler boıynsha aqysyz negizde oqytylýda.
Forýmǵa onlaın jáne oflaın rejıminde QR Densaýlyq saqtaý vıse-mınıstri Oljas Ábishev, "MISıS" UTZÝ damý jónindegi dırektory Nurlan Qııasov, BTSDigital bilim berý jobalarynyń jetekshisi Saıasat Nurbek, Elektrondyq úkimet ortalyǵynyń dırektory/Sıngapýr ulttyq ýnıversıtetiniń halyqaralyq baǵdarlamasynyń júıelik ǵylymdar ınstıtýtynyń basshysy Ashok Kýmar Sıtharaman, "Innopolıs" ýnıversıtetiniń rektory Aleksandr Tormasov, sondaı-aq sandyq tehnologııalar jáne adamı resýrstardy damytý salasyndaǵy basqa da sarapshylar qatysty.
Internet paıdalanýshylary úshin oblys ákimdiginiń áleýmettik jelilerdegi (YouTube jáne Facebook) resmı akkaýnttary arqyly onlaın translıasııa uıymdastyryldy.
Qyzylorda oblysy