Osy oraıda Arystaǵy apat zardaptaryn azaıtý men aýyzdyqtaý jóninde arnaıy shtab qurylyp, onyń músheleri gýmanıtarlyq kómek beri isin júıeli jolǵa qoıa bastady. Bul jóninde alǵashqy kezektegi atqarylǵan is-sharalar jóninde Aqtóbe oblysy ákiminiń birinshi orynbasary Rahat Sydyqov gazet tilshisine bylaı dedi:
- Azyq-túlik túrleri tıelgen avtokólik kerýeni kóp keshikpeı Aqtóbeden Arysqa attandy. Onyń jalpy salmaǵy 24 tonna quraıdy. Aldaǵy ýaqytta Arys qalasy úlken qurylys alańyna aınalýǵa tıis. Bul baǵytta aqtóbelikter Arystaǵyaǵaıyndarǵa jergilikti qurylys ındýstrııasynyń ónimderin jetkizýdi josparlap otyr. Onyńishinde tas, aǵash, qum, sement jáne ǵımarattardyń tóbesin jabýǵa arnalǵan asa qatty ári asa zárý materıaldar bar. Alǵashqy kezekte onyń somasy 20 mıllıon tenge kóleminde belgilendi. Kómek berý aksııasynyń ekinishi kezeńinde onyń mólsheri taǵy da ósetin bolady.
Arystaǵy apat mektep oqýshylarynyń jazǵy demalys kezinde oryn alǵany málim. Osyǵan oraı Aqtóbedegi atqarýshy bılik ókilderi 100 arystyq jas órendi oblys aýmaǵyndaǵy demalys pen tynyǵý lagerlerinde tegin demaldyrý jóninde sheshim qabyldady.
AQTО́BE