«Jaısyz habar jetkennen-aq Tobyl óńiriniń jurtshylyǵy qınalǵan aǵaıynǵa qoldaý bildirip, qol ushyn berýge asyqty.Olar jedel telefonǵa habarlasyp, kómek bergisi keletin usynystaryn aıtyp jatyr. Jekelegen adamdar Nur Otan partııasynyń fılıaly janynan qurylǵan arnaıy beketke bara alady. Syn sátte yntymaq tanytý mańyzdy» deıdi «Nur Otan» partııasy QOF tóraǵasynyń birinshi orynbasary Jańabaı Bısımbaev.
Keshe Arys qalasyndaǵy azamattarǵa kómek kórsetý maqsatynda 20 tonna un, 7 tonna makaron men 3 tonna kondıterlik ónimderi avto kerýeni jolǵa shyqty.
«Nur Otan» partııasynyń músheleri men mekeme qyzmetkerleri bir kúndik eńbek jalaqysyn Arys turǵyndaryna kómek úshin arnaıy shotqa aýdardy. Qarjylaı kómek kórsetkenderdiń arasynda qostanaılyq bıznes ókilderi de bar. Mysaly, jergilikti kásipker, «Nur Otan» partııasynyń múshesi Sergeı Blok jaǵdaıdy estigen boıda bir mıllıon teńge, «Nur Otan» partııasy Saıası keńesiniń múshesi, Qazaqstannyń Eńbek eri Azamat Tursynov jáne ol basshylyq etetin «Qarasý» kompanııasynyń qyzmetkerleri 3,5 mıllıon tenge aýdardy. 20 tonnadan astam undy «Olja- Agro» jaýapketshiligi shekteýli seriktestigi arnaıy kólikke tıep jóneltti.
«Olja-Agro» seriktestigi munymen shektelmeıdi, aptanyń sońyna deıin taǵy 40 tonna un jóneltetin bolamyz» deıdi sharýashylyq basshysy Aıdarbek Hodjanazarov. «Nur Otan» partııasy oblystyq fılıaly «Jas Otan» jastar qanatynyń belsendileri qabyldaý beketinde kúndiz-túni jumys isteıdi.
«Kóptegen qostanaılyqtar azyq-túlik, basqa da turmystyq birinshi qajetti kerek-jaraqtar ákeledi. Oblystyń qalalary men aýdandarynan, kásipkerlerden túsken azyq-túlikter beket basynda biraz júkke aınaldy» deıdi partııa fılıaly «Jas Otan» jastar qanatynyń tóraǵasy Ádil Dıketaev.
Arystaǵy jaǵdaı turaqtalǵansha Qostanaıdaǵy kómek beketiniń jumysy jalǵasa beredi.