Sársenbi, 20 naýryz 2013 1:33
Urynyń túri kóp. Páter tonaýshylar, qaltaǵa túsýshiler, mal urlaýshylar… Solardyń birin Shymkent qalasynyń polısııa qyzmetkerleri ustady. Jastary jalyndaǵan 25-ke endi jetken bul eki jigit kólik tonaýdy kásip etipti. Sońǵy eki jyldyń ishinde 50-den astam kólikti tonaǵan. Ekeýi de buryn urlyq jasaǵandary úshin sotty bolǵan.Osy ýaqytqa deıin qolǵa túspeı júrgenderine qaraǵanda,
Sársenbi, 20 naýryz 2013 1:33
Urynyń túri kóp. Páter tonaýshylar, qaltaǵa túsýshiler, mal urlaýshylar… Solardyń birin Shymkent qalasynyń polısııa qyzmetkerleri ustady. Jastary jalyndaǵan 25-ke endi jetken bul eki jigit kólik tonaýdy kásip etipti. Sońǵy eki jyldyń ishinde 50-den astam kólikti tonaǵan. Ekeýi de buryn urlyq jasaǵandary úshin sotty bolǵan.Osy ýaqytqa deıin qolǵa túspeı júrgenderine qaraǵanda, bul eki qý «joryqqa» óte tyńǵylyqty daıyndalyp, naqty josparmen kirisetin sııaqty. Olar, aldymen avtoturaqtarda nemese joldyń boıynda ıesi joq qaraýsyz turǵan qymbat sheteldik kólikterdi ańdyp júrip, terezesin syndyryp, ishindegi qundy zattar men aqshany alyp ketip otyrǵan. Al urlanǵan zattardy qaladaǵy bazarlarǵa satyp, óz qajetterine jaratqan.
Sol sııaqty, ótken aptada shymkenttik tártip saqshylarynyń qolyna túsken 25 jastaǵy taǵy bir ury tek akkýmýlıator urlaýǵa mashyqtanypty. Iá, kólikti ot aldyratyn kapot ishindegi kádimgi akkýmýlıator. Ústimizdegi jyldyń 9 aqpanynda, polısııa bólimine 28 jastaǵy turǵyn aryzdanǵan. Ol óz aryzynda, belgisiz bireýdiń esiginiń aldynda turǵan «VAZ-2107» avtokóliginiń kapotyn ashý arqyly, akkýmýlıatoryn urlap ketkeni týraly jazǵan. Osydan bir táýlik ótken kezde, osy tektes aryzben qalanyń taǵy bir turǵyny aryzdanǵan. Aryzda «VAZ-2101» markaly avtokóligin azyq-túlik dúkeniniń janyna qoıyp ketkende, belgisiz azamat onyń da akkýmýlıatoryn urlap ketip, qylmys ornynan izin sýytqanyn aıtqan. Jedel izdestirý is-sharasy kezinde, Shymkent qalasynyń turǵyny ustaldy.Al kelesi bir qaraqshylyq top janarmaı beketteri men páter tonaýdy qolaı kóripti. Kúdikti retinde ustalǵan Qyzylorda oblysynyń eki jap-jas turǵyny az ǵana ýaqyttyń ishinde 4 qaraqshylyq, onyń bireýi janar-jaǵarmaı beketi jumysshysyn óltirýmen aıaqtalǵan, sonymen qatar, tonaý jáne 8 páter urlyǵyn jasap úlgeripti. Bul eki kúdiktiniń de jas shamasy sol 25-te. Mundaıda «ot bolatyn, shoq bolatyn, bar bolatyn, joq bolatyn, jyn da, peri jıyrma bes» jastyń osylaısha temir tordyń ar jaǵynda qor bolǵany-aı demeske lajyń joq.Oralhan DÁÝIT,«Egemen Qazaqstan».Ońtústik Qazaqstan oblysy.