KÁSIPKERLER QUQY QORǴALADY

Bas prokýratýranyń uıymdas­tyrýymen kásipkerlerdi baqy­laýshy-qadaǵalaýshy organdardyń olardyń qyzmetine zańsyz ara­la­sýynan qorǵaý máseleleri boı­ynsha dóńgelek ústel bolyp ótti. Onyń jumysyna Prezıdent Ákimshiliginiń ókilderi, Par­la­ment depýtattary, Premer-Mı­nıstr Keńsesiniń jáne Bas pro­kýratýranyń basshylary, “Nur Otan” HDP músheleri, ózge de mı­nıstrlikter men vedom­stvolar­dyń qyzmetkerleri qatysty. “Ata­meken”  odaǵynyń jáne Qa­zaqstan kásipkerleri forýmynyń jetekshileri boldy. Dóńgelek ústel barysynda kásipkerlik bel­sendilikti arttyrýǵa bóget bolyp otyrǵan ákimshilik kedergiler, sondaı-aq jemqorlyqtyń kóri­nis­terine qarsy turý jáne osy saladaǵy zańnamany jetildirý máseleleri talqylandy. Memleket basshysy alǵa qoı­ǵan ekonomıkalyq saıasatqa sáı­kes, kásipkerlerdiń zańdy qyz­met­terine kedergi keltirý jáne negizsiz shekteý jaǵdaılaryna jol bermeý boıynsha memlekettik or­gandardyń naqty sharalar qol­danyp otyrǵany atap kórsetildi. Sonymen qatar, kásipkerlikti damytýǵa qolaıly jaǵdaı qa­lyp­tastyrý jáne bıznes ókilderin memlekettik organdardyń zańsyz tekserýlerinen qorǵaý boıynsha odan ári birlesken sharalar qabyldaý qajettigi týyndap otyr. Bas prokýratýranyń Quqyq­tyq statıstıka jáne arnaıy es­ep­ke alý jónindegi komıteti, “Ata­meken” odaǵy jáne “Qa­zaq­stan kásipkerleriniń forýmy”  arasynda kásipkerler quqyǵyn qorǵaý máseleleri jónindegi ózara yntymaqtastyq týraly memoran­dýmǵa qol qoıyldy. “Egemen aqparat”.