Kimnen jasyrynady?

Sársenbi, 27 naýryz 2013 1:10

Oblys ortalyǵynda oblystyq prokýratýraǵa arnalǵan jańa ǵıma­­­rat boı kóterdi. Lezde aınalasyna temir qorshaý bitti. Burynǵy ǵıma­raty qorshaýsyz, aryzdanýshylarǵa esik ashyq bolatyn. Sonda tipti burynǵy oblys prokýrory, qazir elimizdiń Bas prokýrorynyń orynbasary Nurmahan Isaev  bir aıdyń ózinde eki-úsh retten baspa­sóz ókilderimen kezdesip, jýrnalıs­terdiń suraqtaryna jaýap beretin. Qabyldaýyna barý kerek bolsa da únemi esik ashyq edi.

Sársenbi, 27 naýryz 2013 1:10

Oblys ortalyǵynda oblystyq prokýratýraǵa arnalǵan jańa ǵıma­­­rat boı kóterdi. Lezde aınalasyna temir qorshaý bitti. Burynǵy ǵıma­raty qorshaýsyz, aryzdanýshylarǵa esik ashyq bolatyn. Sonda tipti burynǵy oblys prokýrory, qazir elimizdiń Bas prokýrorynyń orynbasary Nurmahan Isaev  bir aıdyń ózinde eki-úsh retten baspa­sóz ókilderimen kezdesip, jýrnalıs­terdiń suraqtaryna jaýap beretin. Qabyldaýyna barý kerek bolsa da únemi esik ashyq edi. Sol sııaqty qazirgi Ońtústik Qazaq­stan oblysynyń prokýrory, «Ege­menniń» turaqty oqyrmany Ibragım Imanov bizdiń oblysta prokýrordyń orynbasary qyzmetin atqarǵan kezde de únemi habarlasyp, suraqtarymyzǵa jaýap alatynbyz. Oblysta prokýror bolǵan Hákim Kóshqalıev, Mu­rat Ahmetjanovtar da ashyq­tyq, jarııalylyq qaǵıdatyn us­tandy.

Al endi qazirgi oblys proký­ro­ry Dastan Sartaev jaıly jýr­na­lıs­ter oǵan «kórinbeıtin adam» («che­lovek nevıdımka») dep eriksiz at qoıyp aldy. Tipti, jańa­dan ta­ǵaıyndalǵan orynbasar­lary da «kórinbeıtinder» qata­ryn­da sııaqty. Ǵımarattyń shetki bu­­ry­shynda prokýrorlardy «kú­ze­tetin» kúzet bólmesi orna­las­qan. Qarapaıym halyq osy jerden keri qaıtady. Ǵımarat sonda prokýrorlar úshin ǵana salynǵan ba? Nege halyqtan bólektenedi? Bólme ishi­ne oblys prokýrory Dastan Sar­­­taevtyń, orynbasarlary Qýat Ar­tyqbaev, Berik Qultasovtyń qa­byldaý kúnderi jazylyp turǵan  taqtaısha ilinipti. Biz kezdesken  eki-úsh adam qabyldaý kúnderine jazylǵanymen,  máseleleriniń mán-jaıyn jetkize almaı júr­­­gen­derin aıtty. Sol jerden biz de oblys prokýrorynyń baspasóz hatshysy Aıymgúl degen qyzǵa telefon shalyp: «Ishke jiberýge bolmasa, ózińiz kelip ketińizshi, qolymyzdaǵy hatty bereıik», – dep edik. – «Jo… Joq! Maǵan dalaǵa shyǵýǵa bolmaıdy! Siz turǵan jerge men bara almaımyn!» – dedi sol jerdegi  baılanys telefon arqyly.  Ań-tańbyz.

Elbasy  qarapaıym halyqqa ashyq bolyńdar, aryz-shaǵymdaryn tyńdańdar, qabyldańdar dep únemi aıtady. Oblystaǵy basqa quqyq qorǵaý oryndarynyń, tipti ákimdikterdiń de esikteri ashyq. Elimiz tynysh, jurtymyz aman. Sonda bul prokýrorlar halyq arasyna shyǵyp, muń-muqtajyn tyńdap, aryzdanyp kelgenderdiń únine qulaq túrmese, ne isteıdi? Kimnen yǵady?

Farıda BYQAI,

«Egemen Qazaqstan».

Pavlodar.