Beısenbi, 28 naýryz 2013 1:09
Talaıdyń aqysyn jegen qylmysker quryqtaldy
Baıaǵyda bir beıbaq kúıip ketkennen: «Ákesin sabaǵandy kórip edik, arbaǵa baılap sabaǵandy birinshi ret kórýim», depti ǵoı. Sol aıtqandaı, myna bir oqıǵanyń deregimen tanysyp, jaǵamyzdy ustap otyrǵan jaıymyz bar.
Aral aýdanynda «Aral-Shep» degen polısııa beketi bar. Aqtóbe jaq betinde. Qaısybir kúni jol polısııasynyń qyzmetkerleri osy bekette «Seat alhambra» markaly kólikti toqtatady.
Beısenbi, 28 naýryz 2013 1:09
Talaıdyń aqysyn jegen qylmysker quryqtaldy
Baıaǵyda bir beıbaq kúıip ketkennen: «Ákesin sabaǵandy kórip edik, arbaǵa baılap sabaǵandy birinshi ret kórýim», depti ǵoı. Sol aıtqandaı, myna bir oqıǵanyń deregimen tanysyp, jaǵamyzdy ustap otyrǵan jaıymyz bar.
Aral aýdanynda «Aral-Shep» degen polısııa beketi bar. Aqtóbe jaq betinde. Qaısybir kúni jol polısııasynyń qyzmetkerleri osy bekette «Seat alhambra» markaly kólikti toqtatady. Qujattaryn teksermekke. Júrgizýshi Batys Qazaqstan oblysynyń turǵyny eken. Barlyq qujattary durys bolyp shyǵady. Tólenbegen eshqandaı aıyppuly da bolmaıdy. Dál osy sátte kólikten áldebir qyz janushyra aıqaılap, qashyp shyǵady. Artynan soqtaldaı bir jigit qýa júgiredi. Qyzǵa jete almaıtynyn bilgen jigit beti aýǵan jaqqa qashady. Degenmen, polısııa qyzmetkerleri qyzdy da, jigitti de ustaıdy. Sóıtip, Aral aýdandyq ishki ister bólimine aparady. Osy jerde mán-jaıdyń barlyǵy aqtarylady.
Qashqan kelinshek pen qýǵan jigit buryn otasqan adamdar eken. Qyz Ońtústik Qazaqstan oblysynyń týmasy da, jigit Atyraýdan eken. Keıin dám-tuzdary jaraspaı ajyrasyp ketken kórinedi. Biraq bir shańyraq astynda turyp jatqan kezinde kúıeý bala qaıynatasynan qaryzǵa aqsha alady. Aqsha alǵandyǵy týraly qolhat berip, ony notarıýstan bekitedi. Sodan aqshany qaıtarmaıdy ǵoı. Is nasyrǵa shabady. Qaryz berýshi sotqa beretinin aıtady. Osy tusta burynǵy kúıeý bala Oraldan bir kólikti jaldap Shymqalaǵa tartyp ketedi. Ol barǵanda qyz úıinde eken. Tamaǵyna pyshaq taqap, gaz ballonmen úrkitip jigit burynǵy áıelin alyp qashady. Jolda qyzdy ákesimen sóılestiredi. Sosyn: «Qolhatty Atyraýǵa ákelip bergennen keıin qyzyńdy alyp ketesiń», dep shart qoıady. Bir qyzyǵy, júrgizýshi bul istiń bárinen beıhabar bolyp shyǵady. О́zi bergen kýáliginde: «Kúdikti telefonmen meniń kózimshe sóılesken joq, men eshteńe bilmeıtin edim», deıdi. Al qyz bolsa júrgizýshini burynǵy kúıeýiniń ymdasy eken dep oılaıdy. Oqıǵanyń uzyn-yrǵasy osyndaı.
Kúdikti ózinen suraq alynyp jatqanda qashpaqqa árekettenipti. Sóıtip, bólimsheniń úshinshi qabatynan sekirip ketipti. Biraq báribir ustalǵan. Zertteı kele kúdiktiniń bul bir ǵana qylmysy emes ekeni anyqtalǵan. Atyraý qalalyq qarjy polısııasy onyń ústinen QR QK-niń 177/3 bóligimen aıyp taǵyp, izdeý jarııalaǵany málim boldy. Bul – adamdardyń senimine kirip, aqshalaryn alyp, qaıtarmaı qoıǵan, alaıaqtyq jasaǵan degen sóz. Bir ózi 11 adamdy qanqaqsatyp ketken deıdi.
Sonymen, talaıdyń aqysyn jep, kóz jasyna qalǵan kúdikti Aralda quryqtaldy. Búginde ol qamaýda otyr. Al qujattary Ońtústik Qazaqstan oblysynyń Abaı aýdandyq ishki ister bólimine jiberildi. Osylaısha, naqaqtan-naqaq kúıip ketkeli turǵan qyzdyń taǵdyry ońynan sheshildi.
Erjan BAITILES,
«Egemen Qazaqstan».
Qyzylorda oblysy.