Memleket basshysyna mınıstrliktiń qazirgi jumystary men «úlken derekterge» jáne jasandy ıntellektke taldaý jasaýǵa baılanysty «Sıfrlyq Qazaqstan» memlekettik baǵdarlamasy jobalarynyń júzege asyrylýy týraly baıandaldy.
Qasym-Jomart Toqaev mınıstrliktiń júrgizip jatqan jumystarynyń ózektiligin atap ótip, kórsetiletin memlekettik qyzmetti jáne jalpy ekonomıkany sıfrlandyrýdyń mańyzdy ekenin aıtty.
– Búginde túrli dárejede kedergi keltiretin úderisterdiń bárin joıyp, olardy avtomattandyrý kerek. Azamattar sapaly memlekettik qyzmetti eshqandaı qıyndyqsyz, avtomatty túrde alýy tıis, – dedi Qazaqstan Prezıdenti.
Sonymen qatar, Memleket basshysyna elimizdegi qalyptasyp jatqan ınnovasııalyq ekojúıe men onyń negizi sanalatyn «Astana Hub» IT-startaptar halyqaralyq tehnoparki týraly málimet berildi. Asqar Jumaǵalıevtiń aıtýynsha, qazirgi tańda tehnopark qalypty jaǵdaıda jumys isteıdi jáne onyń áleýeti tolyqqandy paıdalanylýda. 260-tan astam kompanııa akselerasııadan ótti. Sonyń arqasynda Qazaqstanǵa 28 mıllıard teńgege jýyq qarjy tartyldy.