– Qyrymbek Eleýulyn bárińiz jaqsy bilesizder. Ol elimizge belgili, tanymal azamat. Qyrymbek Eleýuly – túrli basqarý ortalyqtarynda jaýapty qyzmet atqarǵan tájirıbeli basshy. Memleketimizdiń damý jaǵdaıyn jaqsy biledi. Tapsyrylǵan jumystardyń bárin joǵary deńgeıde atqarady dep senemin, – dedi Qasym-Jomart Toqaev.
Memleket basshysy Prezıdent Ákimshiliginiń halyqtyń ál-aýqatyn arttyrý isinde mańyzdy ról atqaratynyn atap ótip, onyń qyzmetiniń negizgi basymdyqtaryn belgilep berdi.
– Biz saılaýaldy tuǵyrnamanyń is-qımyldar jospary men basqa da mańyzdy baǵdarlamalardy júzege asyrýǵa kirisemiz. Prezıdent Ákimshiligi barlyq bastamalardyń, baǵdarlamalar men strategııalardyń múltiksiz oryndalýyna jaýap beretinine kóńil aýdarǵym keledi, – dedi Memleket basshysy.
Keńes qorytyndysy boıynsha Qazaqstan Prezıdenti birqatar naqty tapsyrma berdi.