Ony uıymdastyrýshy Álnur Ilııashev jınalǵan 200-ge jýyq adamdy mıtıngti ótkizý erejelerin saqtaýǵa shaqyrdy. Jıyn tynysh jaǵdaıda ótip jatyr.
Sóz sóıleýshiler júk kóliginiń kýzovindegi minberge kezek-kezegimen kóterilýde. Olar bıliktiń qoǵammen dıalogyn, mıtıngilerdi ótkizýge ózge oryndy, sheteldik jumys kúshin jumyldyrý týraly zańnyń saqtalýyn suraýda. Jaqyn jerde polıseıler, jedel járdem kólikteri men órt sóndirý qyzmetteri kezekshilik etýde.
Eske salaıyq, Nur-Sultan men Almaty qalalarynyń jergilikti atqarýshy organdary «Qazaqstan Respýblıkasynda beıbit jınalystar, mıtıngiler, sherýler, pıketter jáne demonstrasııalar uıymdastyrý men ótkizý tártibi týraly» Zańnyń 4-babyna sáıkes, 2019 jyldyń 30 maýsymy kúni beıbit mıtıngiler ótkizýge ruqsat etken bolatyn. Olardyń orny aldyn ala belgilendi. Buǵan deıin prokýratýra mıtıngilerdi ótkizý erejelerin eske salǵan bolatyn.