Bilim jáne ǵylym mınıstrliginiń Ǵylym komıteti Dúnıejúzilik bankpen birlese otyryp, «О́nimdi ınnovasııalardy yntalandyrý» jobasyn júzege asyrýda. Baǵdarlama aıasynda ǵylymı zertteýlerdi júzege asyrý úshin bıznes pen ǵylym arasyndaǵy konsorsıým qurý qarastyrylady dep habarlaıdy Neonomad.kz.
2017 jyly «Kentaý transformator zaýyty» AQ, «ENERGIIа» QAZOEJǴZJII AQ jáne «Elektrodetal» JShS arasynda konsorsıým quryldy.
Qazaqstandyq «Energııa» ınstıtýtynyń ǵalymy, QR eńbek sińirgen energetıgi - Sergeı Evgenevıch Sokolov qýaty 63 000 kVA, 220 kV kerneýli klasy bar biregeı avtotransformator ázirledi. Sokolov S.E. jetekshiligimen alǵashqy transformatorlyq tıptegi basqarylatyn reaktorlar jobasy ázirlendi, óńdelip shyǵaryldy jáne óndiriske engizildi. Mundaı qýaty bar avtotransformatorlar Qazaqstanda alǵash ret shyǵarylýda - olar 600 myń halqy bar aımaqty, mysaly, Túrkistan oblysynyń Saryaǵashtaı eki aýdanyn elektr qýatymen qamtamasyz ete alady.
«Qazaqstan – 2050» Strategııasynda Elbasy jeke kompanııalardy ǵylymı zertteýler men ınnovasııalardy ınvestısııalaýǵa yntalandyrý qajettigin aıtqan bolatyn. Sonyń arqasynda, 2017 jyly Qazaqstan Respýblıkasy Bilim jáne ǵylym mınıstrliginiń Ǵylym komıtetiniń qoldaýymen ǵylym men bıznes birlese otyryp 63000 kVA qýaty bar biregeı avtotransformator ázirleý úshin konsorsıým qurdy.
Osy konsorsıým aıasynda «Kentaý transformator zaýyty» AQ ǵylymdy damytýǵa baǵyttalǵan 227,5 mln. teńge qarajat bóldi.
«Ǵylym men bıznestiń basty maqsaty bolashaqta jobany kommersıalızasııalaý jáne damytý bolyp tabylady. Budan keıin avtotransformatordy Qyrǵyzstanǵa, О́zbekstanǵa, Aýǵanstanǵa, Ázerbaıjanǵa, Tájikstanǵa, Armenııaǵa, Túrkmenstanǵa, Iranǵa jáne basqa elderge eksporttaý josparlanyp otyr. Bul jobanyń negizgi ereksheligi – joǵary qýatqa ıe bolýy, ol 600 myń turǵyny bar aýdandy elektr energııasymen qamtamasyz ete alady», - deıdi «Kentaý transformator zaýyty» AQ Basqarma Tóraǵasy Haırýlla Qojabaev.
Zaýytta joǵary voltty avtotransformatordyń ázirlenýin taǵatsyzdana kútýde. Búgingi tańda alǵashqy avtotransformatordyń satyp alýshysy da bar, ol - Túrkistan oblysynyń Saryaǵash aýdanynyń turǵyn úı-kommýnaldyq sharýashylyǵy – «Qyzyl Ásker» obektisi. Kompanııanyń málimdeýinshe, osy kúnge deıin bundaı qýatty jabdyqtar Qazaqstanda óndirilmegen, bul - kompanııanyń ózindik tehnologııasy.
«Kentaý transformator zaýyty» avtotransformatory: Qazaqstan men Ortalyq Azııadaǵy mashına jasaý salasyndaǵy ınnovasııalyq serpilis.
Bul maqala «Ǵylymı-tehnıkalyq qyzmettiń nátıjelerin kommersııalandyrý maqsatynda júktememen kerneýdi retteý jáne óndiriske engizý arqyly 220 kV qýat klasyndaǵy, 63 MVA avtotransformator tehnologııasyn ázirleý» ishki joba aıasynda, «О́nimdi ınnovasııalardy yntalandyrý» jobasy aıasynda qarjylandyrylyp, Dúnıejúzilik Bank pen Qazaqstan Respýblıkasy Úkimetiniń qoldaýymen jaryq kórdi. Málimdemeler Qazaqstan Respýblıkasynyń Úkimeti men Dúnıejúzilik banktiń resmı ustanymyn qamtymaýy múmkin.