Elorda kúnine oraı «Qazaq handyǵy. Altyn taq» fılmi tuńǵysh ret teleekranǵa shyǵady. «Qazaqstan» Ulttyq telearnasy tarıhı týyndyny kórermenge 6 shilde kúni tartý etkeli otyr.
«Qazaq handyǵy. Altyn taq» fılminiń jelisi «Qazaq handyǵy. Almas qylysh» týyndysynyń jalǵasy retinde Kereı men Jánibek handardyń Ábilqaıyr Shaıbanı urpaqtarymen Syǵanaq taǵy úshin talasy tóńireginde órbıdi.
Tarıhı jobanyń avtory - QR Tuńǵysh Prezıdenti - Elbasy N.Á.Nazarbaev. Fılm ssenarııi Ilııas Esenberlınniń «Kóshpendiler» trılogııasynyń negizinde jazylǵan.
«Elorda kúnine oraı Ulttyq arnanyń merekelik kestesine birneshe tusaýkeser joba engizildi. Solardyń biri - Rústem Ábdirashevtiń «Qazaq handyǵy: Altyn taq» kınodastany. Tarıhı týyndy «Qazaqstan» arnasynan senbi, 6 shilde kúni saǵat 17:10-da kórsetiledi», - dep habarlaıdy «Qazaqstan» RTRK» AQ baspasóz qyzmeti.
Esterińizge salsaq, «Qazaq handyǵy. Altyn taq» fılmi jalpyulttyq prokatqa osy jyldyń naýryz aıynda shyǵaryldy. Qazaq tarıhyndaǵy kúrdeli kezeńderdi sıpattaıtyn joba arqyly kórermen kóshpendi halyqtyń tynys-tirshiligine tereń úńile alady.