Beısenbi, 25 sáýir 2013 2:35
Batys Qazaqstan oblysynyń ekologtary «Jaıyqmunaıgaz» jaýapkershiligi shekteýli seriktestiginen 1,8 mlrd. teńge kóleminde aıyppul óndirip alýǵa nıette. Qorshaǵan ortany qorǵaýshylar atalmysh kompanııa ilespe gazdy ruqsatsyz jaqqany úshin osynsha kólemde aıyppul tóleýge tıis dep eseptep otyr.
Beısenbi, 25 sáýir 2013 2:35
Batys Qazaqstan oblysynyń ekologtary «Jaıyqmunaıgaz» jaýapkershiligi shekteýli seriktestiginen 1,8 mlrd. teńge kóleminde aıyppul óndirip alýǵa nıette. Qorshaǵan ortany qorǵaýshylar atalmysh kompanııa ilespe gazdy ruqsatsyz jaqqany úshin osynsha kólemde aıyppul tóleýge tıis dep eseptep otyr.
Osyǵan baılanysty, Indýstrııa jáne jańa tehnologııalar mınıstrligine qarasty geologııa jáne jer qoınaýyn paıdalaný komıtetiniń aımaqaralyq departamenti talap-aryz tapsyrdy. Departament qyzmetkerleriniń málimetteri boıynsha, seriktestik 30,896 tekshe metr kóleminde ruqsat etilmegen ilespe gaz jaǵyp, aýaǵa jibergen. «Basshylyq («Jaıyqmunaıgaz» JShS) atalmysh talap negizsiz jáne ınvestorlardyń múddelerine yqpal jasaýǵa qabiletsiz dep esepteıdi», delingen Qazaqstan qor bırjasynda jarııalanǵan habarlamada.
Al Zhaikmunai kompanııasynyń negizgi aktıvine Qazaqstannyń Reseı Federasııasymen soltústik-batysta shektesetin shekarasynan 60 shaqyrym jerdegi Shynar ken orny (274 sharshy shaqyrym), sondaı-aq gaz óńdeýshi zaýyt jatady. Kompanııa qaǵazdary London qor bırjasynda lıstıngten ótken. Al onyń dırektorlar keńesiniń basshysy belgııalyq kásipker Frenk Monstra munyń aksııasynyń 40,5 paıyzyna ıelik etip otyrsa, «QazQurylysServıs» ınjenerlik-qurylys kompanııasy 27 paıyz aksııany alyp otyr.
Temir QUSAIYN,
«Egemen Qazaqstan».
Batys Qazaqstan oblysy.