Qyzylordada kúnniń ystyǵy 60 gradýsqa jetkendikten maı quıǵan tabaǵa baýyrsaq qýyryp otyrǵan vıdeorolık áleýmettik jelige taraǵan edi. Rasynda, solaı ma?
Alaıda, Qyzylorda oblysy boıynsha fılıalynyń basshysy Áıgerim Júkenova bul aqparatty joqqa shyǵardy.
- «Qazgıdromet» RMK Qyzylorda oblysy boıynsha fılıaly 2019 jyldyń 24-25 maýsym kúnderi oblystyń basym bóliginde +43 +44 °C ystyq aýa raıy kútiletindigi týraly dabyldy eskertý berdi. 25-27 maýsym kúnderi Iran aımaǵynan jyljyǵan jyly aýanyń áserinen oblystyń basym bóliginde +43+44 °C qatty ystyq baıqaldy, 60 °C ystyq tirkelmedi,-deıdi ol.
Biraq, Qyzylorda oblysynda aýa temperatýrasy 47 gradýsqa deıin kóterilgen. Al, tabaǵa baýyrsaq qýyrǵan jaǵdaıǵa kelsek, ázilkesh tabany úıdegi kógildir otynǵa ábden qyzdyryp alyp, dalaǵa sosyn shyǵarǵan sııaqty.