Almaty oblysynda bolǵan qaıǵyly jaǵdaı eshkimdi beı-jaı qaldyrmady. Elbasy, partııa Tóraǵasy Nursultan Nazarbaevtyń zardap shekkenderge kómek kórsetý týraly sózine alǵashqylardyń biri bolyp “Nur Otan” partııasy ún qatty. Birinshi kúni-aq “Nur Otan” partııasy barlyq qyzmetkerlerdiń bir kúndik eńbekaqysyn aýdardy. Qazir elimizdiń barlyq óńirlerinde nurotandyqtar kómek kórsetý jumysyn uıymdastyrýda.
Almatyda “Jas Otan” Jastar qanaty azyq-túlik, kıim-keshek, alǵashqy ýaqytta kerek zattar jınaý boıynsha aksııa ótkizýde. Sársenbi kúni jınalǵan zattar Almaty oblysyna jiberildi.
Mańǵystaý oblysynda nurotandyqtar iri ónerkásiptik óndiristerdi, bıznes-qurylymdardy qatystyryp jınaq sharasyn ótkizýde. Shymkentte bastaýysh partııa uıymynyń aralasýymen “Hımfarm” AQ 200 myń dári, 100 myń ampýla, 25 myń tunba, 7 dárilik maı jiberdi. Sondaı-aq, 10 KamAZ kólikterimen azyq-túlik jóneltildi.
“Egemen-aqparat”.