Biz buǵan deıin WTA reıtınginde 39 orynda turǵan qazaqstandyq Iýlııa Pýtınseva tusaýkeser kezdesýde álemniń ekinshi raketkasy Naomı Osakany 7:6, 6:2 esebimen utqany jaıynda jazǵanbyz.
Kelesi kúni Mıhaıl Kýkýshkın Pablo Andýharmen kezdesti. Ispanııalyq oıynshy ATR tiziminde jerlesimizden 20 saty tómen turǵanymen, onyń da baǵyndyrǵan belesteri az emes. Desek te bul básekede Kýkýshkınniń ústemdigi esh kúmán týǵyzǵan joq. О́z qarsylasynan ol 6:3, 6:2, 6:4 esebimen basym tústi.
Ekinshi aınalymda Iýlııa Pýtınseva úzdikter tiziminde 81 orynda turǵan shveısarııalyq Vıktorııa Golýbıchpen sheberlik baıqasady. Al álemniń 58 raketkasy Mıhaıl Kýkýshkın amerıkalyq Djon Iznermen sheberlik baıqasady. Áıelder arasyndaǵy saıysta jerlesimizdiń favorıt ekeni daýsyz. Al erler básekesinde otandasymyzǵa ońaı bolmaıdy. Sebebi, qazirgi kezde álemdik reıtıngte 12 oryndy ıelenip otyrǵan Izner byltyr dál osy týrnırde jáne AQSh-tyń ashyq birinshiliginde jartylaı fınalǵa deıin jetken.