15 shildede Nur-Sultanda Qazaqstan Respýblıkasy Prezıdenti kýbogy jolyndaǵy jarystyń jalaýy jelbireıdi. Birqatar memleketterden keletin tanymal boksshylardyń qatysýymen ótetin halyqaralyq týrnırde Qazaqstannyń ulttyq komandasy qandaı quramda óner kórsetetini belgili boldy.
Qazaqstan quramasynyń bas bapkeri Ǵalymbek Kenjebaev myna shákirtterine senim artyp otyr: 52 kılo – Ánýar Muzaparov, 57 kılo – Qaırat Eralıev, 63 kılo – Zákir Safıýllın men Sanatáli Tóltaev, 69 kılo – Aslanbek Shymbergenov pen Abylaıhan Júsipov, 75 kılo – Tursynbaı Qulahmet, Ábilhan Amanqul, Talǵat Sháıken, 91 kılo – Vasılıı Levıt pen Aıbek Oralbaı jáne +91 kılo – Qamshybek Qonqabaev.
Sońǵy kezderi óreli ónerimen kózge túsip júrgen bylǵary qolǵap sheberleri arasynda tek bul týrnırge Bek Nurmaǵanbet qana qatyspaıdy. 81 kılo salmaqta kúsh synasatyn qandasymyz jaraqatynan áli de qaıyqpaǵan kórinedi.