О́ńirde barlyǵy 5,3 mln gektar egis alqaby bar. Sonyń 4 mln 738 myń gektary jazdyq egis bolsa, onyń ishinde 3 mln 992 myń gektarǵa dándi daqyldar, 530 myń 800 gektaryna maıly daqyldar sebildi. Baqsha ónimderi 1 myńnan asa gektardy, kartop 4 myń gektardy quraıdy. Jem-azyqtyq daqyldar 221,6 myń gektardy alady.
Oblys ákimi Arhımed Muhambetov jyl saıyn maıly daqyldar alqabyn keńeıtý kerektigin tapsyrdy.
«Keler jyly «Bıogreın» JShS ınvestısııalyq jobasy júzege asatyn bolady. Qostanaıda 600 myń tonna bıdaı, 150 myń tonna maıly daqyl dánin qaltqysyz óńdeýden ókizetin zaýyt jumysyn bastaıdy. Osyǵan oraı maıly daqyldardyń alqabyn 700 myń gektarǵa deıin jetkizýimiz qajet» dedi Arhımed Begejanuly.
Sonymen qatar basqosýda bıylǵy eginniń ósimi, alqapty ósimdik zııankesterinen qorǵaý, tehnıka jaǵdaıy jáne mal sharýashylyǵyndaǵy memlekettik baǵdarlamalardyń oryndalýy týraly da sóz boldy. Jalpy alǵanda jyl basynan bergi aýyl sharýashylyǵyndaǵy damýdyń yrǵaqty ekeni atap ótildi.
Qostanaı