Aýdanda Ulttyq dombyra jáne «Elorda kúnine» arnalǵan merekede 1000 dombyrashy bir mezgilde halyq kúıi «Kelinshekti» jáne Qurmanǵazynyń «Balbyraýynyn» tartty. Batpaqqaranyń dalasyn kúı terbegendeı boldy. On emes, júz emes nemese 500 emes, 1000 dombyrashy oınaıtyn orkestrdi daıyndaý ońaı emes edi. Oǵan aýdanǵa belgili mýzyka mamany Oljas Qyldybaev dırıjerlik jasady.
– Bul aýdan ákimi Ámirhan Asanovtyń tikeleı bastamasy bolatyn. Oǵan tabany kúrekteı alty aı boıy daıyndyq jumystary júrgizildi. Ár aýyldardaǵy klýb qyzmetkerleri, mektepterdegi dombyra úıirmelerine jetekshilik etetin mýzyka pániniń muǵalimderi belsene qatysty. Maqsatqa qol jetkizdik, kúılerdi myń dombyrashy sátti oryndap shyqty» deıdi aýdandyq mádenıet jáne tilderdi damytý bóliminiń basshysy Saǵynǵalı Seıdın.
Mamyr aıynda aýdanda ótken Qyzǵaldaq festıvalinde de 500 dombyrashy kúı tartqan bolatyn. Sol kezde «Ulttyq dombyra kúni» «qatarymyz myńǵa tolady» degen edi dombyrashylar. Mine, endi aýdanda myń dombyrashy bar. Olardyń arasynda mektep oqýshysynan bastap, eńbek ardagerlerine deıin otyrdy.
Qostanaı oblysy,
Amangeldi aýdany