Kelissózder barysynda ındýstrııalandyrý, mashına jasaý, munaı-gaz salasy, energetıka, agroónerkásiptik keshen, farmasevtıkalyq ónerkásip, qarjy sektoryndaǵy ınvestısııalyq yntymaqtastyqty odan ári damytý máeleleri talqylandy.
Úkimet basshysy Asqar Mamın jáne Exxon Mobil Production Company prezıdenti Nıll Ý. Daffın birlesken jobalardy iske asyrý barysyn talqylap, jańa joǵary tehnologııaly sheshimderdi engizýdiń mańyzdylyǵyn atap ótti. Taraptar atap ótkendeı, óndiristi jańǵyrtý kásiporyndardaǵy eńbek ónimdiligi men jaǵdaılardy jaqsartyp, ken oryndarynda munaı óndirýdi arttyrýǵa qosymsha serpin beredi.
Baker Hughes, General Electric kompanııalar tobynyń basqarma tóraǵasy, prezıdenti, bas atqarýshy dırektory Lorenso Sımonellıdiń jetekshiligimen General Electric amerıkandyq kompanııasynyń ókilderimen kezdesýde ınvestısııalyq yntymaqtastyqty odan ári damytý máseleleri qaraldy. Energetıka salasynyń ózgeristeriniń álemdik trendterin eskerýmen JEK salasyndaǵy perspektıvaly ózara is-qımyldar talqylandy. Kompanııa sonymen qatar gazhımııa salasynda, densaýlyq saqtaý júıesinde, azamattyq avıasııada, onyń ishinde memlekettik-jekeshelik áriptestik tetıigi boıynsha jobalardy iske asyrýǵa qyzyǵýshylyq tanytty.
Polpharma polshalyq kompanııalar tobynyń baqylaý keńesiniń tóraǵasy Ejı Starak óz kezeginde QR Premer-Mınıstri Asqar Mamındi birlesken jobalardaǵy aǵymdaǵy jaǵdaılar týraly habardar etti. Qazaqstan farmasevtıkalyq ındýstrııasynda ınvestısııalyq baǵdarlamany iske asyrý máseleleri, kompanııanyń óndiristik alańdaryn odan ári jańǵyrtý boıynsha josparlar, qazaqstandyq farmasevtıkalyq kompanııalarmen yntymaqtastyq talqylandy.
Marubeni korporasııasynyń vıse-tóraǵasy Shıgerý Iаmazoemen kelissózder agroónerkásiptik keshen, energetıka, JEK salasynja yntymaqtastyqty odan ári damytýǵa arnaldy. Taraptar ınvestısııashlyq yntymaqtastyqty keńeıtý úshin zor áleýetti atap ótip, birlesken jumystardy belsendirý nıeti bildirdi. Qazaqstan aýmaǵynda júzege asyrylyp jatqan jobalarǵa Marubeni salǵan ınvestısııalar kólemi – $750 mln.
Anadolu túrik kompanııalar tobynyń basqarma tóraǵasy Týndjaı Ozılhanmen kezdesý barysynda ınvestısııalyq yntymaqtastyq máseleleri talqylandy. Indýstrııalandyrý, sonyń ishinde mashına jasaý salasyndaǵy birlesken jobalardy iske asyrý barysy qaraldy. Buǵan qosa, ınvestor qorshaǵan ortany qorǵaý, ásirese, ekinshi qaıtara paıdalanylǵan materıaldardy óńdeý jobalaryna qatysýǵa bastama bildirdi.
Fung Group tóraǵasy Vıktor Fýngpen kezdesýde álemdik ekonomıka jáne saýda naryǵyndaǵy ózgerister, qarjy sektoryn damytýdyń ózekti máseleleri talqylandy. Taraptar jetkizilimderdiń jahandyq júıelerin basqarý, sonyń ishinde tranzıt jáne logıstıka, agroónerkásiptik keshen salalaryndaǵy eki jaqty yntymaqtastyqty damytý perspektıvalaryn qarady.
Citigroup ınvestısııalyq jáne korporatıvtik bankiniń úkimetter jáne memlekettik sektor jahandyq blogynyń basshysy Djýlı Monakomen, «Sıtıbank Qazaqstan» AQ basqarma tóraǵasy Andreı Kýrılınmen áńgimelesý barysynda qarjy saıasaty, kedendik ákimshilendirýdi jetildirý salasyndaǵy yntymaqtastyqty odan ári nyǵaıtý jáne ınvestısııalyq jobalardy iske asyrýǵa kóńil bólindi. Taraptardyń aıtýynsha, atalǵan baǵytta AHQO Bırjasyna erekshe nazar aýdarylǵan.
«Qazaqstan el ekonomıkasyn damytyp, onyń qurylymyn ártaraptandyrý úshin qolda bar barlyq múmkindikti paıdalanady», — dep Djýlııa Monako, Citigroup-tiń Qazaqstannyń álem men AHQO alańdarynda IPO uıymdastyrý jónindegi bastamalaryn qoldaıtynyn aıtty.
Sondaı-aq, Premer-Mınıstr Asqar Mamınniń «Deutsche Bank AG» Ortalyq jáne Shyǵys Eýropa boıynsha О́ńirlik basqarmasynyń bas atqarýshy dırektory Iıorg Bongartspen kezdesýinde qarjy sektoryn damytý máseleleri talqylandy. Taraptar azamattarǵa bank qyzmetterin usyný salasynda tájirıbemen almasý júıesin damytýdyń mańyzdylyǵyna toqtalyp ótti. Kezdesýler barysynda QR Premer-Mınıstri Asqar Mamın elimizde ınvestorlardyń jumysy úshin qolaıly jaǵdaılar jasalǵanyn aıtyp, kompanııalardy jańa birlesken jobalardy iske asyrýǵa shaqyrdy. QR Úkimetiniń tarapynan ınvestısııalyq jobalardy tıimdi iske asyrý úshin qajetti kómek sharalary usynylady.