Front-keńsege úsh aýyl turǵyny kelip, jumyssyzdyq máselesi boıynsha júgingen bolatyn. Tártip saqshylary azamattardyń kásip tabýyna kómektesti. Atap aıtsaq, aýdan turǵyny Danııar Muhamedjanov polısııa bastyǵyna biraz ýaqyttan beri jumyssyz júrgenin jetkizedi. Muhamedjanovtyń máselesin muqııat tyńdap, onyń jeke málimetterin qaraı kele bólimniń aýla tazalaýshy retinde jumysqa alady. Aýdandyq Jumyspen qamtý ortalyǵy men ákimdikke habarlasyp, Danııar Muhamedjanov 1 shildeden bastap aýla tazalaýshy retinde jumysqa qabyldaý suraqtary sheshildi. Taǵy bir aýdan turǵyny Bekbolat Ákimjan front-keńse týraly Jankeldın aýdany Polısııa bóliminiń Instagram paraqshasynan oqyp, jumys suraı kelgen. Bekbolattyń qujattarymen jáne jumys ótilimen tanysa kele ony Polısııa bólimniń Ákimshilik polısııa bólimshesiniń kóshi-qon qyzmeti tobynyń ınspektory laýazymyna taǵaıyndaý úshin qujattary qabyldandy. Sonymen qatar aýdan turǵyny Ábı Erýbaev esimdi azamat ta jumyssyzdyq máselesimen júgingen. Ol QR Qarýly kúshter qatarynda boryshyn ótegen, zańger mamandyǵy boıynsha joǵary bilimi bar. Polısııa bóliminiń bastyǵyna ómirbaıanyn baıandap, qajetti qujattardy kórsetti. Talǵat Sábıtuly Polısııa bólimi bastyǵynyń kadr saıasaty jónindegi orynbasary, polısııa kapıtany Almas Muqatovqa Á.Erýbaevtyń qujattaryn zerdelep, Qostanaı oblystyq Polısııa departamenti jarııalaıtyn kelesi konkýrsqa qujattardy joldaý kerektigin aıtty. Sondaı-aq QR IIM jumysqa qabyldaý tártipteri men talaptaryn túsindirip, keń kólemde aqparat berildi.