Qasym-Jomart Toqaev búgingi tańda Eýropalyq qaıta qurý jáne damý bankiniń Qazaqstan ekonomıkasyna ınvestısııa salyp otyrǵan iri qarjy ınstıtýttarynyń biri ekenin atap ótti. Memleket basshysy banktiń bizdiń eldegi kóp jylǵy jumysyna joǵary baǵa berdi. Bul týraly Aqordanyń baspasóz qyzmeti habarlady.
– Sizderdiń Qazaqstandaǵy jumystaryńyzdyń bastalǵan kezin jaqsy bilemin jáne Sizdiń aldyńyzdaǵy basshylarmen de tanyspyn. Bank bizdiń elimizde tabysty jobalar júzege asyrdy. Bul maqtaýǵa turarlyq jumys dep oılaımyn, – dedi Qazaqstan Prezıdenti.
Sýma Chakrabartı Qazaqstannyń EQDB áriptesteriniń ishindegi iri bestikke kiretinin aıtyp, jemisti yntymaqtastyqtyń jalǵasatynyna úmit bildirdi.