Lagerdiń Halyqaralyq balalardy qorǵaý kúnimen tuspa-tus ótken ashylý saltanatynda oqýshylardyń qatysýymen «Jaıdary jaz bizben birge!» atty konsert qoıylǵan edi. Mekteptiń maqtanyshtary «Gákký» bıshiler tobynyń músheleri arnaıy «Shashý» bıimen ashyp, hıp-hop janryndaǵy zamanaýı bı bılep, balalar án aıtyp, óz ónerlerin ortaǵa saldy. Lager úsh aýysymda bilikti pedagogtar A.Satypaldy, G.Uzaqbaeva, Sh.Sadýova jetekshilik etetin «Shapaǵat», «Baldáýren» jáne «Erkem-aı» atty toptar kún saıyn úsh aýysymmen jumys istedi. Ár aýysymda 20 baladan – barlyǵy 60 bala qamtyldy.
Qajymuqan aýylynyń balalary elordamyz Nur-Sultanǵa da saıahat jasady. «Han Shatyrdyń» ishinde ornalasqan kınoteatrynda «Bolashaq» qaýymdastyǵy memlekettik tilge dýblıaj jasaǵan «Aladdın» fılmin tamashalady. Qalanyń kórnekti jerlerin aralady.
Baldyrǵandardyń qyzyǵýshylyqtary boıynsha qurylǵan D.Imanbaevanyń «Happy summer» aǵylshyn úıirmesi men Z.Kıtebaeva, Sh.Sadýova jetekshilik jasaıtyn «Sálem» til úıirmeleri úshin arnaıy «Oınaıyq ta, oılaıyq!» degen ataýmen oqý bólmesi jabdyqtaldy. Oǵan qosa «Sport KZ» úıirmesi quryldy. Top jetekshileri ár kúnge «Balmuzdaq kúni», «Qalpaqtar kúni», «Qolshatyr kúni», «Dostyq kúni», «Kóbelekter kúni», «Gúlder kúni», taǵy basqa da ataý qoıyp, balalardy qyzyqtyrýmen qatar, sol kúnniń tarıhymen de tanystyrdy.
Memlekettik qyzmetshiler kúnine oraı uıymdastyrylǵan aýdandyq deńgeıde uıymdastyrylǵan «Polısııa – balalar kózimen!» sýret baıqaýynda Hamıt Bekarys 2-oryndy ıelenip, Aqmolda merekege oraı uıymdastyrylǵan saltanatty is-sharada marapattaldy.
«Oıyn oınap, án salmaı, óser bala bolar ma?» degendeı, qyzyq-dýmanǵa toly jazǵy lager óz jumysyn qorytyndylap, «Qımaı qoshtasamyz!» degen ataýmen jabylý rásimin ótkizdi. Bul kúni de balalar bir aıda úırengen ónerlerin ortaǵa saldy. Aǵylshyn, orys tilderinde taqpaq aıtyp, án shyrqady, bı bıledi. Osy oraıda lagerimizdiń jabylýynda demeýshilik etken aýyl turǵyndaryn erekshe atap ótken jón. «Qajymuqan», «Murat», «Láılá» dúkenderi balalarǵa túrli tátti, dámdilerin usynsa, aýylsharýashylyq fermasy da óz ónimderin usyndy. «Qýantsań, balany qýant», «Jaqsylyqty balaǵa jasa» degen qaǵıdany ustanǵan kásipkerlerge mektep ujymy da, ata-analar da dán rıza!
Laǵyl SAMARQANQYZY,
№4 mektep lageriniń jetekshisi