Sharaǵa arnaıy qatysqan Atyraý oblysy əkiminiń orynbasary Aıbek Qrambaev saltanatty túrde alaýdy jaǵyp, óńir turǵyndaryn kógildir otynmen qamtylýymen quttyqtady.
- Bul – Azǵyr óńiriniń kópten kútken mereıli kúni. QR Tuńǵysh prezıdenti Nursultan Nazarbaevtiń shekara mańyndaǵy aýdandardy damytý jəne sol eldegi halyqtyń turmysyn jaqsartý tapsyrmasy boıynsha joba júzege asýda. Sol kezdegi oblys əkimi bolǵan Baqtyqoja Izmuhametovtiń bastamasymen, qazirgi tańda óńir basshysy Nurlan Noǵaev bul jumystardyń əri qaraı júzege asýyn qolǵa alyp, búginde Azǵyr óńiri tolyqqandy gazben qamtylyp otyr. Kógildir otyn osy óńirdegi halyqtyń turmys-tirshiligine, shaǵyn jəne orta bıznestiń damýyna septigin tıgizetini sózsiz, - deıdi Aıbek Qranbaev.
Azǵyr óńirine gaz qubyryn tartý jumystary 2017 jyly bastaý alyp, qazirgi tańda tolyqtaı aıaqtaldy. Joba NKOK kompanııasynyń demeýshiligimen iske asyryldy.
- Bul aýqymdy joba. Azǵyr óńirine tartylǵan gaz qubyrynyń uzyndyǵy 365 shaqyrym, sondaı-aq, aýylishilik qubyrlar - 68 shaqyrym. Barlyq turǵyndardyń aýlalaryna gaz qubyrlary tartyldy. Əri qaraı ər turǵyn óz úıine tartý úshin qujattaryn rettep, qondyratyn bolady. Azǵyr óńirine kógildir otyn tartylǵasyn, oblys boıynsha gazben qamtý kórsetkishi 98,2 % kórsetip otyr, - deıdi Atyraý oblysy energetıka jəne turǵyn úı kommýnaldy sharýashylyq basqarmasynyń basshysy Murat Iǵalıev.