Almatyda Ǵusman Qosanov memorıalynyń qarsańynda baspasóz máslıhaty ótip, jeńil atletıkadan Qazaqstan komandasynyń bas bapkeri taǵaıyndaldy dep habarlaıdy Olympic.kz.
Ulttyq quramanyń bas bapkeri qyzmetine Erlan Ibraıym keldi.
«Maǵan senim artqany úshin Ulttyq olımpıada komıteti men jeńil atletıka federasııasynyń basshylyǵyna rahmet aıtqym keledi. О́z kezegimde komandany daıyndaý úshin bar kúshimdi salamyn. Alda úlken synaqtar kútip tur. Sol syndarda sáttilik joldas bolsyn», dedi I. Ibraıym.
Bas bapkerlik qyzmetke deıin Erlan Ibraıym jeńil atletıka federasııasynda sporttyq dırektor mindetin atqardy.