«Qazaqtyń» domınıkalyq qarsylasy Hýlıo de Hesýs sharshy alańda nebári 14 sekýnd qana qarsylyq kórsete aldy. Osy jeńisiniń arqasynda Qanat Islam orta salmaqta WBO Inter-Continental chempıony ataǵyna qol jetkizdi.
Balýan Sholaq atyndaǵy boks keshinde Qanat qarsylasyn qaýipti soqqylardyń astyna alǵan bolatyn. Onysy nátıjesin kóp kúttirmedi de. Aýyr soqqydan es jııa almaǵan domınıkalyq boksshy jer jastandy. Birinshi raýndtyń 14-sekýndynda kelgen bul jeńis Qanattyń kásipqoı bokstaǵy 26-ynshy sátti jekpe-jegi retinde tarıhqa endi. Qarsylasy Hýlıo de Hesýs bolsa, 27 kezdesýindegi ekinshi jeńilisin bastan ótkerip otyr.
Atalmysh jekpe-jek anderkardynda Qanattan bólek, 9 qazaq boksshysy sharshy alańǵa shyqty. Olardyń barlyǵy da jeńiske jetti. Saparbaı Aıdarov, Beksultan Raýshanov, Berikbaı Nurymbetov, Arman Rysbek, Nursultan Amanjolov, Asqar Erýbek, Abylaıhan Qusaıynov, Rýslan Myrsataev jáne Madııar Áshkeev sátti kezdesýler ótkizip, reıtıngtegi kórsetkishterin jaqsartty.