Naryqtyń suranymy qashan da sapaly jáne baǵasy tómen buıymdy talap etedi. Mysaly, búkil jerde astyqty keptirý, tazalaý jumystary tehnıkasyz atqarylmaıdy. Damylsyz paıdalanylatyn tehnıkalardyń qosalqy bólshekteri tez tozady. Shet jerlerden alý dıqan úshin qymbatqa túsedi. Meńdiǵara aýdanyndaǵy «Ardager OKSVA»jeke kásipkerligi eki jyl buryn qosalqy bólshekterdi óndirýge kiristi. Esentaı Báıimbetov basqaratyn shaǵyn kásiporyn óndirgen qosalqy bólshekter oblystyq «Qazaqstannyń úzdik taýarlary» baıqaý- kórmesine qatysty.
«Men kásibimdi keńeıtý úshin grant baıqaýyna qatystym. О́zimniń bıznesimdi qorǵadym. Eger 3 mıllıon teńgeniń grantyn utyp alsam, osy qosalqy bólshekterdiń kólemi men sapasyn kótere túsetin qural-jabdyqtar satyp alamyn. Bizge qazirdiń ózinde oblys óńirinen, Soltústik Qazaqstan, Aqmola oblystarynan suranystar túsip jatyr, óıtkeni bul qosalqy bólshektersiz astyq tazalaý tehnıkalary júrmeıdi» deıdi Esentaı Báıimbetov.
Baıqaý-kórmede sapaly et ónimderi men bal, qymyz, shubatqa turǵan kezekti kórseńiz. О́tken jyly ǵana jumysyn bastaǵan Rýdnyı sement zaýyty, «Arqalyq Et» et kombınaty bıyl kórmege birinshi ret qatysty. Kórme-baıqaýda oblys ákimi Arhımed Muhambetov bıznes damytý úshin memleket tarapynan barlyq kómek beriletinin aıtty.
«Bes jyl ishinde oblys óńirindegi 36 kásiporyn sapaly ónimderimen baıqaý-kórmeniń respýblıkalyq fınalynan kórindi. Olardyń qatarynda elmizge, syrt jerlerge belgili bolyp otyrǵan «Baıan sulý», «Mılh», «Qostanaı un kombınaty», «AgromashHoldıng» sekildi jáne taǵy basqa kásiporyndar bar. Mundaı baıqaý-kórmeler óte qajet, bıznes ókilderi biri birinen úırenedi, tájirıbe almasady. Bıznes úshin eń bastysy óndirilgen ónimniń ótýi, suranysy. Naryqty zertteý úshin de baıqaýlardyń mańyzy zor» dedi Arhımed Begejanuly.
Oblystyń jalpy ishki ónimindegi shaǵyn jáne orta bıznestiń úlesi ulǵaıyp keledi, bıyl jyl basynan beri ol 28 prosentti qurady. Baıqaý-kórmede úzdik kásiporyndar sapa belgisimen marapattaldy. Olar aldaǵy qazan aıynda baıqaý-kórmeniń respýblıkalyq qorytyndy kezeńinde oblys namysyn qorǵaıtyn bolady.
Qostanaı