Halyqaralyq qarjy ortalyqtarynyń Dúnıejúzilik alıansy (WAIFC) Nursultan Nazarbaevqa AHQO qurǵany úshin, sondaı-aq halyqaralyq qarjy ortalyqtary arasyndaǵy jahandyq yntymaqtastyqty damytýdaǵy Elbasynyń eleýli eńbegi úshin Qurmet marapatyn berdi.
Marapat jyl saıynǵy «Astana Finance Days» qarjylyq konferensııasy aıasynda tapsyryldy. Marapatty Tuńǵysh Prezıdent atynan AHQO Basqarýshysy Qaırat Kelimbetov qabyldady.
Halyqaralyq qarjy ortalyqtarynyń dúnıejúzilik alıansy basqarma músheleriniń aldynda sóılegen sózinde Q. Kelimbetov AHQO-nyń jumys istegen alǵashqy jylǵy jetistikterin atap ótti. «Tuńǵysh Prezıdent Jarlyǵyn basshylyqqa ala otyryp, AHQO álemdegi kóptegen damyǵan jáne damýshy halyqaralyq qarjy ortalyqtary men bırjalarmen áriptestik qarym - qatynas ornatty», - dedi ol.
WAIFC atynan Basqarýshy dırektor D-r Iohen Bıdermann qarjy qyzmetterine, Qazaqstan Respýblıkasynyń Baǵaly qaǵazdar naryǵyn damytýǵa jáne onyń halyqaralyq kapıtal naryqtarymen ıntegrasııalanýyn qamtamasyz etý úshin tartymdy jáne ashyq Halyqaralyq orta qurý arqasynda eldiń ekonomıkasyna ınvestısııa tartýdaǵy AHQO - nyń negizgi rólin moıyndaý belgisi retinde Respýblıkanyń Tuńǵysh Prezıdenti-Elbasyǵa Qurmet marapatyn tapsyrdy.