Elordadaǵy kásipqoı boks keshinde Nurtas Ájbenov (5-0, 1 KO) grýzııalyq Achıko Odıdadzeni (18-10-1, 7 KO) birinshi raýndta nokaýtqa jiberdi, dep habarlaıdy Qazaqstan kásipqoı boks qaýymdastyǵy.
Qazaqstandyq bylǵary qolǵap sheberi 18 ret jeńiske jetken tájirıbeli boksshydan basym tústi. Nurtas Ájbenov qarsylasyn birinshi raýndta qulatty. 24 jastaǵy Nurtas úshin bul – mansabyndaǵy altynshy jeńis.
Jeńil salmaqtaǵy jekpe-jek «Barys-Arena» sport keshenindegi kásipqoı boks keshi aıasynda ótti.