2019 jylǵy 6 shildedegi jaǵdaı boıynsha Túrkistan oblysy Arys qalasynda 271 úıde qalpyna keltirý jumystary júrgizildi. Qazir 1,6 myń jeke turǵyn úı qurylysy jáne kóp páterli turǵyn úıler obektilerinde 150 qurylys kompanııasy jumys júrgizip jatyr.
QR Indýstrııa jáne ınfraqurylymdyq damý mınıstrliginiń málimeti boıynsha 33 úı qaıta salynady. Arysty qalpyna keltirý boıynsha aýqymdy is-sharaǵa elimizdiń barlyq óńirleri men respýblıkalyq mańyzy bar qalalar qatysady. Qurylys alańdarynda barlyǵy 3000-nan astam qurylysshy eńbek etedi. 150 birlik arnaıy tehnıka jumyldyrylýda.
Esterińizge sala keteıik, Arys aýdanyndaǵy úılerdiń 85%-y jóndeýdi qajet etedi. Elbasynyń jáne Memleket basshysynyń tapsyrmasy boıynsha barlyq búlingen jáne buzylǵan obektiler 2019 jyldyń 1 tamyzyna deıin tapsyrylýy tıis.
QR ındýstrııa jáne ınfraqurylymdyq damý vıse-mınıstri Qaıyrbek О́skenbaevtyń aıtýynsha, úılerdiń monıtorıngi men qurylys barysyn baqylaý kún saıyn júrgiziledi.