Jaqynda Sızıkovter áýleti kútpegen qýanyshqa keneldi. Osy Tekelidegi «Fırma SMR» seriktestiginiń basqarýshy dırektory Janbolat Pirjanov olarǵa 4 bólmeli baspananyń kiltin syılady. Úıdiń tıisti qujattaryn otaǵasy Aleksandrdyń qolyna tabystaǵan kásipker:
- Muqtaj otbasyǵa kómek qolyn sozyp, olardyń baqytty júzderin kórý men úshin úlken qýanysh. Múmkindik barda kópbalaly otbasylarǵa kómektesý kerek. Barsha kásipkerler men qaltaly azamattardy osyndaı ıgi ister jasaýǵa shaqyramyn, -dedi.
Al Tekeli qalasynyń ákimi Baqtııar О́nerbaev qaıyrymdy kásipkerler tarapynan kópbalaly otbasylar men az qamtylǵan áýletterge únemi qamqorlyq jasalyp otyrǵanyn aıtady. Ásirese, baspana zardabyn tartyp otyrǵan otbasylarǵa jeke qarjysyna baspana satyp alyp berýge beıil kásipkerlerdiń qatary ósip keledi eken. Shaǵyn qalada osymen úshinshi kásipker muqtaj áýletke turǵyn úı kiltin tartý etti. Jaqynda osy qalada turatyn kópbalaly Maqpal Kúzdikbaevaǵa da jergilikti kásipkerler 3 bólmeli úı satyp alyp bergen edi. Odan sál aryda qonys toıyn «Kúmis alqaly» jas ana Nazgúl Kújekeeva toılaǵan bolatyn.
- Bul bizdiń qalada kásipkerlerdiń qoldaýymen syılanǵan úshinshi úı. Sondaı-aq respýblıkalyq jáne oblystyq bıýdjetten kópbalaly otbasylarǵa úı satyp alý úshin arnaıy qarajat bólingen. Búginde birneshe úı satyp alynyp, qujattary rásimdelýde. Jalpy, Tekelide 415 kópbalaly otbasylar tirkelgen. Onyń júz jetpisi úıge muqtaj bolsa, 96 otbasy kezekte tur. Jaqyn kúnderi osy kezek boıynsha úı berile bastaıdy. Bul baǵytta jumys áli de jalǵasady, -deıdi Baqtııar О́nerbaev.
Jalpy, qaıyrymdylyq kómek kórsetý meıirbandyq, demeýshilik jáne mesenattyq qyzmet túrindegi óz erkimen, óteýsiz nemese jeńildik túrinde júzege asyrylatyn izgilik qajettilikti qanaǵattandyrýǵa negizdelgen áleýmettik-paıdaly qyzmet ekeni daýsyz. «Syıǵa – syı...» degendeı shaǵyn qaladaǵy jomart jandardyń qaıyrymdy isteri eleýsiz qalǵan joq. Jaqynda Tekelide «Jomart júrek» syılyǵynyń laýreattary marapattaldy.
- Tekeli qalasynda da qaıyrymdylyqpen aınalysyp, qalamyzdy kórkeıtýmen qatar, kópbalaly otbasylarǵa, muqtaj jandarǵa kómek qolyn sozyp júrgen azamattar az emes. Osy oraıda «Jomart júrek» syılyǵymen laıyqty adamdardy marapattaýdy jón kórdik. Shara barysynda birqatar mesenattarǵa Alǵys hat tabystap, aldaǵy ýaqytta da ıgi isterdiń kóshbasynda júrip, el alǵysyna bólene berýge shaqyrdym, - deıdi Tekeli qalasynyń ákimi.