Kóne Taraz kúmbiri

Atalǵan sharaǵa aýyldyq eldi mekenderdegi ónerpaz jas­tar irik­telip alynyp, baıqaýdyń ob­lystyq kezeńine aýdandardan on ansambl qatysty. Sony­men qatar Kenen Ázirbaev atyn­da­ǵy Jambyl oblystyq fılar­monııasynyń mýzykanttary Muh­tarbaı Rahmanqulov, Dastan Kóregen, Dıdar Basyqaraev jáne Adaı Jumat oblystyq baıqaýda laýreat atanǵan 5 ansambldi respýblıkalyq kezeńge daıyndap, sheberlik saǵattaryn ótkizdi.

Al respýblıkalyq baıqaýdyń baspasóz máslıhatynda Qazaq­stannyń eńbek sińirgen qaırat­keri, Qazaq ulttyq óner ýnıver­sıtetiniń professory Dáýren Ǵylymov, Qazaq ulttyq óner ýnı­versıtetiniń Qorqyt ata atyndaǵy ǵylymı-zertteý ıns­tıtýtynyń qyzmetkeri, Qa­zaq­stannyń eńbek sińirgen qaı­ratkeri, qobyzshy Álqýat Qa­zaq­baev, kúıshi, kompozıtor, Qa­zaqstannyń eńbek sińirgen qaı­ratkeri Ermurat Úse­nov, kúıshi-kompozıtor, Qazaq­stannyń eńbek sińirgen qaıratkeri Ábdimomyn Jeldibaev qatysty. 

Respýblıkalyq óner dodasynda elimizdiń ár qıyrynan kelgen 16 ansambl baq synasty. Baıqaýǵa 17 kúı usy­nylyp, «Kóne Taraz kúm­biri» atty partıtý­ralar jına­ǵynyń tusaýyn qa­zylar alqa­synyń tóraǵasy, kúıshi-kom­po­zıtor Ábdimomyn Jel­di­baev pen kúıshi, kompozıtor Ermurat Úsenov kesti. Baı­qaýdyń saltanatty ashylýy teatrlandyrylǵan qoıylymmen bastaldy. Qoıylymda Yqylas, Jambyl, Kenen jáne Nurǵısa syndy uly tulǵalardyń beı­neleri somdaldy. Sonymen qatar kópshilik nazaryna «Tarazdan tartý» atty bı kompozısııasy usynyldy. О́z kezeginde Jam­byl oblysy ákiminiń orynbasary Sulýshash Qurmanbekova baıqaýǵa qatysqan ujymdarǵa quttyqtaý tilegin joldasa, qa­zy­lar alqasynyń tóraǵasy Áb­dimomyn Jeldibaev olarǵa shyǵarmashylyq tabys tiledi. 

Nátıjesinde bas júldeni Al­maty oblysynan kelgen «Sazgen» folklorly-etnografııalyq an­sambli jeńip alsa, 1-oryndy Nur-Sultan qalasynan «Qor­qyt» dástúrli saz toby ıe­len­di. Sonymen qatar 2-oryn Kók­shetaý qalasynan «Aınakól» fol­klor­lyq ansambline, Shymkent qala­synan «Tumar» folklorlyq ansambline tabystalsa, 3-oryn Aqmola oblysynan «Oqjetpes» folklorlyq ansambline, Ta­raz qalasynan «Taraz ǵasyr» folk­lorlyq ansambline berildi. Al Yqylas Dúkenuly atyndaǵy júldeni Qyzylorda oblysynan «Jiger» etnostyq toby, Jambyl Jabaev atyndaǵy júldeni Shyǵys Qazaqstan oblysynan «Sulý saz» halyqtyq án-bı ansambli, Kenen Ázirbaev atyndaǵy júldeni Kenen Ázirbaev atyndaǵy Jambyl oblystyq fılarmonııasynyń «Alataý» folklorlyq ansambli, Ábdimomyn Jeldibaev atyndaǵy júldeni Jambyl oblysynyń Shý aýdanynan «Ásem áýen» folklorlyq ansambli, Sadyhan Áýbákirov atyndaǵy júldeni Jambyl oblysynyń Baızaq aýda­nynan «Sholpan» halyqtyq án-bı ansambli, Altynbek Qorazbaev atyndaǵy júldeni Merki aýdanynan «Merki áýenderi» halyqtyq án-bı ansambli ıelendi. Sonymen qatar birqatar júldegerlerge «Úzdik shyǵarma», «Kóne Taraz kúm­biri», «Jambyl oblysy ákim­diginiń mádenıet, arhıvter jáne qujattama basqarmasynyń» ar­naıy júldesi jáne «Kenen Ázir­baev atyndaǵy Jambyl oblys­tyq fılarmonııasynyń» arnaıy júldesi tabys etildi. Jeńimpazdar men júldegerlerge arnaıy laýreat belgisi men aqshalaı syılyqtar berildi. 

Atalǵan is-shara aıasynda bes júzge tarta óner sheber­leri men qala jastarynyń qa­ty­­sýymen ulttyq dombyra kú­nine arnalǵan «Dombyra – halyq murasy» atty dombyra party uıymdastyryldy. Mun­da oblystyq fılarmonııaǵa qarasty qazaq ult aspaptar orkes­triniń bas dırıjeri, ha­­lyqaralyq baıqaýlardyń laý­reaty Adaı Jumat pen Qazaqstannyń eńbek sińirgen qaıratkeri Muhtar Rah­man­qulovtyń dırıjerlik etýi­men Túrkeshtiń «Kóńilashar» kúıi, Mádenıet qaıratkeri Aman Moldybaevtyń bastama­symen «Kóne Taraz» kúıi, kúıshi-kompozıtor Ábdimomyn Jeldibaevpen birlese «Erke sylqym» kúıi jáne Qurman­ǵazy Saǵyrbaıulynyń «Bal­byraýyn» jáne «Saryarqa» kúı­leri oryndaldy. Baıqaýdyń Gala-konsertinde oblystyq fılar­­monııanyń dástúrli án­shileri men jeńimpaz atan­ǵan ansamblder óner kórsetip, mádenı shara Sadyq Kárimbaevtyń «Jambyl jastar valsi» ánimen aıaqtaldy.