Qyzyljar – oblys ortalyǵyna eń jaqyn ornalasqan aýdandardyń biri. Turǵyndar sany 44 myńnan asyp jyǵylady. Osy sebepti qadaǵalaýshy organ ókilderi ıgilikti sharany osy aýdannan bastaýdy jón kórgen. Qoǵamdyq qabyldaýlarda zańnamalardy túsindirýge, azamattardyń quqyqtyq mádenıet deńgeıin arttyrýǵa, shetin problemalaryn sheshýge járdemdesý basty maqsat boldy.
«19 aýyldyq okrýgtyń 72 eldi mekeninde prokýrorlar jumys isteýde. Kez kelgen turǵyn kómekke júgine alady. Keı máseleler jiti zertteýdi talap etedi. Qalaı desek te mindetti túrde sheshimin tabatyn bolady. Birde-bir ótinish jaýapsyz qalmaıdy», dedi oblys prokýrory Baǵban Taıymbetov kirispe sózinde.
Jıynda bıznesmenderdiń jumysynda jıi kezdesetin qıyndyqtar men túıtkilder de keńinen qarastyryldy. «Zań jáne kásipker» keńesiniń ókilderi birqatar saýaldarǵa jaýap berdi. Jekelegen azamattar kásipkerlikpen aınalysqysy kelgenimen, bıýrokrattyq kedergiler men qaǵazbastylyq az kezdespeıtin kórinedi. Olardyń birqataryn aýdandyq kásipkerler palatasynyń dırektory Asqar Nurmuqanov aıtyp berdi. Onyń sózine qaraǵanda, shaǵyn jáne orta bıznes sýbektileri «Monopolıst» portalynyń jóndi jumys istemeıtinine shaǵymdanady. Mundaı tehnıkalyq aqaýlar jıi oryn alatynyn tabıǵı monopolııalardy retteý, básekelestikti jáne tutynýshylardyń quqyqtaryn qorǵaý departamentiniń basshysy Jandos Ermaǵambetov moıyndady. О́ńir prokýrory búgingideı aqparattandyrý zamanynda jumysty báseńdetpeýdiń mańyzyn atap kórsetip, máseleni tez arada sheshýdi tapsyrdy.
Alqaly basqosýda «Qazsýshar» kásiporny sońǵy 4 jyldyń ishinde sýdyń baǵasyn 20 ese ósirgeni ótkir syn tezine alyndy. Onyń bir ushyǵy ferma jáne sharýa qojalyqtaryna bosatylatyn sýdy sýbsıdııalaýdyń doǵarylýyna kelip tireledi. Sóıtip sýdyń bir tekshe metriniń baǵasy 760 teńgege jetip, aspandap shyǵa kelgen.
«Tirshilik kóziniń búgin – 5, erteń 10 teńgege ósýimen esh kelisýge bolmaıdy. Menińshe, sýdy sýbsıdııalaýdy qaıta qarastyrý qajet. Osylaısha tikeleı sharýashylyqpen aınalysatyn bıznesmenderge qoldaý kórsetýimiz kerek», dedi oblys prokýrory.
Soltústik Qazaqstan oblysy