ShQO prokýrorynyń eki kómekshisi Qanat Aıkenov pen Laýra Aıkenova álemniń úzdik ýnıversıtetteriniń birine tústi. 2017 jyly olarǵa «Quqyqtaný» mamandyǵy boıynsha magıstratýrada Amerıka Qurama Shtattarynda oqý úshin Qazaqstan Respýblıkasy Prezıdentiniń «Bolashaq» stıpendııasy berilgen bolatyn.
О́tken jyly olar qujattaryn Amerıkanyń úzdik 4 ýnıversıtetine (Kalıfornııa ýnıversıteti (Berklı), Nıý-Iork ýnıversıteti, Pensılvanııa ýnıversıteti jáne Korneldik ýnıversıtet) tapsyrǵan-dy. Olardyń tańdaýy Kalıfornııa ýnıversıteti boldy. Bul ýnıversıtet 1866 jyly qurylǵan jáne álemniń úzdik ýnıversıtetteriniń bestigine kiredi. Oqý ornynda 7 Nobel syılyǵynyń laýreattary dáris beredi, al jalpy, ýnıversıtetpen Nobel syılyǵynyń 100 laýreatynyń esimderi baılanysty. Bul ýnıversıtettegi quqyqtaný mektebi álem boıynsha quqyq mektepteriniń ishinde 7-shi oryn alady, sol sebepti bolashaq stýdentterdi de óte muqııat tańdaıdy. Magıstratýrada oqý akademııalyq bir jylǵa sozylady jáne 2019 jyldyń tamyz aıynda bastalady, demek, 2020 jyldyń mamyr aıynda prokýratýra qyzmetkerleri Qazaqstanǵa qaıtyp oralyp, alǵan bilimderin jumys barysynda qoldana bastaýyna bolady» delingen Shyǵys Qazaqstan oblystyq prokýratýrasynyń baspasóz qyzmeti taratqan málimette.
О́SKEMEN