Perzenthanadaǵy dombyra úni

– Batys Qazaqstan oblysy Qazaqstan halqy Assam­bleıasy, oblystyq densaýlyq saqtaý basqarmasy jáne BQO ákimi apparatynyń «Qoǵam­dyq kelisim» mekemesi ótkiz­gen bul sharanyń maqsaty – qazaqtyń ulttyq aspaby – dom­byrany dáripteý arqyly ulttyq mádenıetti saqtaý jáne órkendetý ıdeıasynyń aınalasyna qoǵamdy odan ári biriktirý, halyqtyń dástúrine jáne ulttyq dombyraǵa qur­metti kótermeleý, – deıdi BQO QHA tóraǵasynyń oryn­­­­basary, hatshylyq meń­ge­rý­shisi Ǵaısa Qapaqov.

Atalǵan sharaǵa óńirdegi etnomádenı birlestik tóraǵa-l­a­ry men ókilderi de qatysty. Assambleıa músheleri jaryq dúnıege perzent ákelip, adam­zattyń uly mıssııasyn at­qarǵan asyl analar aldynda dombyramen əýeletip án salyp, shaǵyn konsert qoıyp berdi. Analar aldynda sóz alǵan Ǵaısa Qapaqov búgingi merekeniń mańyzyn túsindirip, kıeli óner urpaqqa mıras bolyp qalatynyn aıtty. 17 ananyń qushaǵy gúlmen kómkerilip, perzentteriniń qulaǵyna qasıetti dombyra úni sińetin boldy.

Jalpy, Aqjaıyq óńirin­de Dombyra kúni jaqsy ulyq­­talady. Byltyr Oral qala­­synda bir mezette 1700 dom­byrashy qatysqan alaman shoý ótkizilip, rekord ja­salǵan bolatyn. Ol nátı­je Qazaqstan rekordtar kitabyna tirkeldi. Bıyl da batysqazaqstandyqtar óńirdiń ár jerinde ulttyq as­paptyń mereıin kóterer shara­lar ótkizýde. Máselen, Báı­terek aýda­nynyń ortalyǵy Pe­re­metnyı aýylynda «Dom­byra – dastan» saltanatty sha­rasyna 150 dombyrashy qa­tysyp, kúı áýeletken.

Batys Qazaqstan oblysy