Qaırat Núkenov 1970 jyly týǵan. 2002 jyly Omby qalasyndaǵy Sibir memlekettik jol-kólik akademııasyn, 2014 jyly P.A. Stolypın atyndaǵy Omby memlekettik agrarlyq ýnıversıtetin bitirgen, ǵalym-agronom jáne ekonomıst-menedjer mamandyǵyn meńgergen. Qazirgi tańda Almaty qalasy menedjment ýnıversıtetinde doktorantýrada oqýda. Eńbek jolyn tas qalaýshy bolyp bastaǵan. Keıin jeke bıznespen aınalysqan.
2012 jyldan bastap memlekettik qyzmette. Jelezın aýdanynyń ákimi, Pavlodar oblysy kásipkerlik jáne saýda basqarmasynyń basshysy, Aqsý jáne Ekibastuz qalalarynyń ákimi, Túrkistan oblysy ákiminiń birinshi orynbasary bolǵan. Bolat Baqaýov jaǵa taǵaıyndalǵan basshyǵa alda aýqymdy strategııalyq maqsattar turǵanyn atap ótip, Elbasy men Memleket basshysy tapsyrǵan mindetterdi tıimdi júzege asyrýdy tapsyrdy.
«Barlyq qyzmette Qaırat Temirshotuly ózin kásibı bilikti basqarýshy retinde kórsete bildi. Memlekettik saıasat pen naryqtyq ekonomıkany jaqsy biledi. О́ndiristik jáne kommýnaldyq salamen tanys. Oblys ortalyǵy ınvestısııa tartatyn ortalyqqa aınalýy tıis. Otandyq ónimdi nasıhattaý qajet»,-dedi oblys ákimi.