Keshe Bas Prokýror Q.Mámı men Reseı Federasııasynyń Qazaqstan Respýblıkasyndaǵy Tótenshe jáne ókiletti elshisi M.Bocharnıkovtiń kezdesýi ótti.
Kezdesý barysynda Bas Prokýror Reseı elshiliginiń basshysyn respýblıkalyq quqyq qorǵaý organdarynyń júıesinde elimizdegi prokýratýranyń azamattardyń quqyqtary, bostandyqtary men zańdy múddelerin qamtamasyz etetin quqyqtyq qural retindegi róli jóninde habardar etti. О́tken jyldyń aıaǵynda Reseı Federasııasy tarapynan TMD-nyń 1998 jylǵy 6 naýryzdaǵy Bas bostandyǵynan aıyrylǵandardy odan ári jazasyn óteý úshin berý týraly konvensııasyn bekitý nátıjesinde qazirgi ýaqytta eki memleket sottalǵandardy elderine qaıtarý jónindegi ótinishterin oıdaǵydaı qaraý múmkindigine ıe bolǵany atap ótildi.
Búgingi tańda bizdiń tórt azamatqa qatysty reseılik úkimderdi oryndaý jónindegi Bas Prokýrordyń usynystaryn qazaqstandyq sottar qarastyryp, qanaǵattandyrdy. Taraptar eki eldiń quqyq qorǵaý organdarynyń qylmystylyqqa qarsy kúres jáne qylmystyq ister boıynsha ózara quqyqtyq kómek kórsetý salasyndaǵy is-qımyldarynyń tıimdiligi jóninde yqylaspen atap ótti. Kezdesý nátıjesinde taraptar eki el arasyndaǵy yntymaqtastyqty odan ári nyǵaıtý jóninde kelisimge keldi, dep habarlady Bas prokýratýranyń baspasóz qyzmeti.