Qazba jumystary Qoja Ahmet Iаsaýı atyndaǵy halyqaralyq qazaq-túrik ýnıversıteti arheologııa ǵylymı-zertteý ınstıtýtynyń bas ǵylymı qyzmetkeri, tarıh ǵylymdarynyń doktory, professor Sáıden Joldasbaevtyń jetekshiligimen júrgizildi. Ekspedısııaǵa Arheologııa ǵylymı-zertteý ınstıtýtynyń qyzmetkerleri, tarıh kafedrasynyń stýdentteri jáne Qyzylorda oblystyq mádenıet, muraǵat jáne qujattama basqarmasyna qarasty «Oblystyq tarıhı jáne mádenı eskertkishterdi qorǵaý» mekemesiniń mamandary qatysty.
«Syǵanaq qalasy - Syrdyń orta aǵysyndaǵy astanalyq mártebege ıe ortaǵasyrlyq qala ekendigi belgili. Sondyqtan qala aýmaǵynda ár kezeńniń bı-sultandary men handary jerlengen iri keseneler orny kóptep kezdesedi. Bıyl memorandým boıynsha jasalǵan arheologııalyq qazba jumystarynyń nátıjesinde qalashyqtyń batys bóliginde ornalasqan tóbeniń kesene ekendigi anyqtalyp otyr. Qazba barysynda tabylǵan syrly qysh qaptamalarǵa, keramıkalyq ydystarǵa jáne qyshtardyń pishinderine qarap, bul qurylys XIII-XIV ǵasyrlarǵa jatatyndyǵy týraly aldyn ala boljaýǵa bolady», - dedi ekspedısııa jetekshisi Sáıden Joldasbaev.
Ǵalymdar bolashaqta Syǵanaq qalashyǵyn UNESCO Dúnıejúzilik muralar tizimine engizý josparlanyp otyrǵandyǵyn aıtady.
Qyzylorda oblysy