Búgin Úkimet Qaýlysymen Dáýeshov Nurǵısa Muratuly Qazaqstan Respýblıkasynyń Mádenıet jáne sport vıse-mınıstri bolyp taǵaıyndaldy. Mádenıet jáne sport mınıstri Aqtoty Raıymqulova vedomstvonyń jańa vıse-mınıstrin tanystyrdy. Bul týraly Premer-Mınıstrdiń baspasóz qyzmeti habarlady.
Nurǵısa Dáýeshov 1985 jyly Batys Qazaqstan oblysynda dúnıege kelgen. Qurmanǵazy atyndaǵy Qazaq Ulttyq konservatorııasynyń túlegi, T. Júrgenov atyndaǵy Qazaq Ulttyq óner akademııasynyń magıstranty.
Túrli jyldary fılarmonııa, halyq aspaptary akademııalyq orkestri ártisi, T. Júrgenov atyndaǵy Qazaq Ulttyq óner akademııasynyń Dástúrli mýzyka óneri kafedrasynyń oqytýshysy bolyp jumys istedi.
2011-2013 jj. - Qurmanǵazy atyndaǵy Qazaq Memlekettik halyq aspaptary orkestrinde ınspektory.
2013 jyldan bastap Qurmanǵazy atyndaǵy Qazaq memlekettik halyq aspaptary orkestri dırektory qyzmetine taǵaıyndaldy.