«Nur Suńqar» konkýrsy 2010 jyldan beri jyl saıyn ótkizilip keledi. Osy aralyqta konkýrsty ótkizý úlgisi, erejesi, ondaǵy atalymdar men júldeler de ózgertilip, jetildirildi. Búginde bul baıqaý medıa salasynyń qyzmetkerlerin yntalandyrýǵa baǵyttalǵan bedeldi is-sharalardyń qataryna enip úlgerdi. Konkýrstyń o bastaǵy maqsaty sol burynǵysynsha: qazaqstandyq jýrnalısterdi, blogerler men shyǵarmashylyq ujymdardy qoldaý, olardyń otandyq kásibı jýrnalıstıkany damytýǵa, qoǵamdy jedel ári obektıvti aqparatpen qamtamasyz etýge qosqan úlesin baǵalaý bolyp ózgerisiz qala beredi.
Konkýrs ótkizilip kele jatqan ýaqyttan beri «Nur Suńqar» syılyǵyna elge tanymal kóptegen jýrnalıster ıe boldy.
Bıyl konkýrstyń uıymdastyrý komıtetine 207 qatysýshydan myńǵa jýyq jumys kelip tústi. 10 atalym boıynsha jeńimpazdardyń esimi belgili boldy:
«Halyq daýysy» - Úzdik televızııalyq jýrnalıst: Aıbek Qobdabaı («Qazaqstan» telearnasy)
«Tochka zrenııa» - Úzdik televızııalyq jýrnalıst: Juraǵat Baman («Habar» telearnasy)
«Sóz zergeri» - Úzdik gazet jýrnalısi: Ǵabıt Músirep («Egemen Qazaqstan» gazeti)
«Elbasy salǵan sara jol» - Elbasy qyzmetin úzdik jaryqqa shyǵarǵany úshin syılyqaqy: Igor Prohorov («Kazahstanskaıa pravda» gazeti)
«Maıtalman» - Otandyq jýrnalıstıkany damytýǵa qosqan úlesi úshin syıaqy: Nurtileý Imanǵalıuly («Jetisý» telearnasy)
«Rýhanı jańǵyrý» - Baǵdarlamany ilgeriletýge qosqan úlesi úshin syıaqy: Bazarkúl Otynshıeva («Astana» telearnasy) , Aıgúl Kemelbaeva («Abaı» jýrnaly)
«Master slova» - Úzdik gazet jýrnalısi: Talǵat Esenov («Lıter» gazeti)
«Jas serpilis» - Úzdik jas jýrnalıst: Saken Mahametkerımov, Nazymgúl Kúmispaeva («Habar» telearnasy)
«Medıa-profı» - Internet basylymnyń úzdik jýrnalısi: Aqmaral Oljabaeva (Bnews.kz)
«Partııa jobalaryn úzdik jaryqqa shyǵarǵany úshin»: Ekaterına Brynıýk («Astana» telearnasy), Gúljan Rahmanova («Aıqyn» gazeti)