Qala syrtyndaǵy «Parallel» demalys bazasyna 800 qatysýshydan turatyn 42 komanda jınaldy. Densaýlyq saqshylary jarystyń 17 túrinen ózderiniń jyldamdyǵyn, eptiligin kórsetti. Onda dárigerler qol kúrestirdi, arqan tartty, júgirdi, gir kóterdi, shahmat oınady, basqa da kóptegen synaqtan ótti. Ár aýrýhananyń óziniń kıgen formasy, kóshbasshylary, olardyń jankúıerleri boldy. Jarystyń bas tóreshisi Natalıa Sýhacheva dárigerler arasynda mundaı keń kólemdi demalys jáne sport is-sharasy kóp jyldan beri ótkizilmegenin aıtty.
Jarys qorytyndysyndaǵy jalpy komandalyq esepte oblystyq aýrýhana birinshi oryndy, Qostanaı aýdandyq ortalyq aýrýhanasy ekinshi oryndy, Amangeldi aýdandyq ortalyq aýrýhanasy úshinshi oryndy jeńip aldy.
«Alǵashqy spartakıada sońǵy bolmaıdy, bul oblys medısına qyzmetkerleri arasynda dástúrge aınalady. Kelesi jylǵy shildege deıin komandalardyń daıyndalýyna ýaqyt bar» dedi oblystyq Densaýlyq saqtaý basqarmasynyń basshysy Vıacheslav Dýdnık.
Qostanaı