Stýdentterdi kásiporyndarǵa shaqyrady

Oblys  ortalyǵyndaǵy  «Qazaq­stan Alıýmınııi» AQ-ta  me­tal­lýrgııa, quıý óndirisi, elektr ener­getıkasy, mashına jasaý, teh­­no­logııalyq mashınalar men ja­b­dyq­tar, teplovoz mashınısi, qu­­ry­lys salasy, ekologııa, av­to­mat­tandyrý jáne basqarý, ıkemdi av­tomatty jeliler jáne aqparat­tyq júıeler sekildi tehnı­kalyq mamandyqtarda oqyp jat­qan stýdentterge osyndaı  jaqsy múm­kindik berildi. Ashyq esik kúni ar­qyly stýdentter kásip­oryn­­darda suranysqa ıe bos oryn­­dardy bilip, óndiris barysyn kórip, maman­darǵa túrli suraqtar qoıdy.

– Ashyq esik kúni stýdentterge óndiristiń barlyq erekshelikterin túsinýge kómektesedi, tańdaǵan mamandyǵyn tereńirek tanýǵa múm­kindik beredi, – dedi Eýra­zııalyq toptyń basqarma tór­aǵa­synyń  áleýmettik máse­leler jónindegi orynbasary Inna Gýbareva.

Sońǵy jyldary  S.Toraı­ǵyrov atyndaǵy memlekettik ýn­ı­­ver­sıtet óńirdegi kásip­oryn­­darmen birlesip jumys is­teý­de. Ýnıversıtet jergilikti 278 óndiris ornymen ekijaqty kelisimshart jasaǵan. Stýdent­ter 1-kýrstan bastap kásibı tájirı­beden ótedi, 2-kýrsta bolashaq ma­man­dyǵyn kásiporynda júrip ıgeredi. Oqý úderisine óndiris­tik jetekshi mamandar men serik­tes sheteldik joǵary oqý oryn­dary­nyń ǵalymdary qatysady.

Ýnıversıtettiń «Elektr­tehnı­ka jáne avtomattandyrý» kafed­rasynyń aǵa oqytýshysy Iýlııa Popovestyń aıtýynsha, kásiporyndarǵa ekskýrsııa uıym­­dastyrý joǵary oqý oryn­dary­nyń túlekterin ju­mys­qa tartý­dyń tıimdi joly.

– Bizge kásiporyndardyń ókil­deri jıi kelip, óndiris­tik ta­qy­ryptarǵa saı tanystyrylymdar jasaıdy. Stýdentterge óndiristi ta­nystyrý – ári qyzyqty, ári qa­jet, bul óte paıdaly, – deıdi ol.

Ýnıversıtet 2014 jyldan beri «Serpin» baǵdarlamasy bo­ıynsha «Máńgilik el jastary – ındýstrııaǵa!» atty tehnıkalyq jáne agrarlyq mamandyqtar bo­ıynsha maman daıyndaıdy. Bıyl­ǵy oqý jylynda  16 bilim berý baǵdarlamasy boıynsha tuń­ǵysh túlekter býyny – 267 stýdent biti­rip shyǵady.  Qazirgi tańda ýnıver­sıtette barlyǵy 20 mamandyq boıynsha 550 stýdent bilim alýda.

– Men «Serpin» baǵdarlama­symen Taraz qalasynan keldim. Ashyq esik  kúni sharasy barysynda mamandyǵymdy durys tań­daǵanyma kóz jetkizdim. Mek­tepte oqyp júrgende Pavlodar alıýmınıı zaýyty jaıly estip-bilgen edim. Endi, mine sol zaýyt­ty kórdim. Alǵan áserim shek­siz. Aldaǵy ýaqytta tájirıbe jı­naq­tap bilimimdi shyńdaǵym keledi, – deıdi  tústi metallýrgııa kol­ledjiniń stýdenti Arman Tasýl.

Qazir kompanııa kásip­oryn­dary ornalasqan óńirlerdegi ýnı­versıtet pen kolledjderde ERG kúnderi ótýde.

PAVLODAR