Italııanyń Neapol qalasynda ótip jatqan jazǵy Ýnıversıada oıyndarynda Qazaqstan komandasy kezekti medalin jeńip aldy. Stend atýdan Zoıa Kravchenko kúmis júlde ıelendi, dep habarlaıdy UOK baspasóz qyzmeti.
Ol «skıt» baǵdarlamasy boıynsha sátti óner kórsetip, tek Ýnıversıada oıyndarynyń bas júldesin ıelengen ıtalııalyq Chıa Marzıantonıoǵa ese jiberip, ekinshi orynǵa taban tiredi. Úzdik úshtikti chehııalyq sportshy Hana Adamkova túıindedi.
Eske sala keteıik, Kravchenko el qorjynyna osymen úshinshi kúmisti salyp otyr. Buǵan deıin gımnasshylar Narıman Qurbanov pen Mılad Karımı ekinshi satyǵa turaqtaǵan bolatyn. Sondaı-aq Ǵalymjan Qyryqbaı dzıýdodan altyn, Sársenkúl Rysbekova stend atýdan qola júlde enshiledi.