Jarysqa olımpıadalyq chempıon, Astana Pro Team komandasynyń bas menedjeri Aleksandr Vınokýrov, Olımpıada oıyndarynyń qatysýshysy, trıatlonshy Ekaterına Shatnaıa, «Almaty Marafony» uıymdastyrýshysy Saltanat Qazybaeva jáne t.b. ataqty qazaqstandyqtar qatysqanyn rastady.
Is-sharany tıimdi uıymdastyrý maqsatynda sheteldik qonaqtarmen ózara is-qımyl jasaý tájirıbesi mol QVolunteers 700 eriktileri tartylatyn bolady.
IRONMAN 70.3 Astana aıasynda 12-14 shilde aralyǵynda úzdik álemdik brendterdiń sporttyq jármeńkesi jumys isteıtin bolady.
Sonymen qatar, 13 shildede Trıatlon parkinde jas atletterge arnalǵan IRONKIDS ótedi. Jyl saıyn ol árbir IRONMAN jarysy aıasynda búkil otbasy úshin oıyn-saýyq retinde ótkiziledi. Balalar jarysy keń tanymal jáne óskeleń urpaqqa salaýatty ómir saltyn qalyptastyrýǵa, jarys aldynda sportshylardy qoldaýǵa, sondaı-aq otbasymen ýaqytty kóńildi ótkizýge baǵyttalǵan.
Is-shara Nur-sultan qalasy ákimdiginiń jáne Qazaqstan trıatlon federasııasynyń qoldaýymen ótkiziledi.