Senbi, 9 aqpan 2013 7:23
«Jezqazǵan –Sekseýil» temir jolynyń qurylysy júrip jatyr
Qyzylorda jol jóndeý dıreksııasyna qarasty Qazaly óndiristik bazasynyń temir jol salasy úshin orny erekshe. Máselen, respýblıkalyq mańyzy bar «Jezqazǵan – Sekseýil» temir jolynyń bastalýyna osy mekeme atsalysty. Olar ótken jyldyń ózinde eki myń shaqyrym jerdi qamtıtyn temir-beton shpalyn tapsyrys berýshilerge jóneltken. Shyndyǵynda, bul temir jol salasyna óte qajetti buıym.
Senbi, 9 aqpan 2013 7:23
«Jezqazǵan –Sekseýil» temir jolynyń qurylysy júrip jatyr
Qyzylorda jol jóndeý dıreksııasyna qarasty Qazaly óndiristik bazasynyń temir jol salasy úshin orny erekshe. Máselen, respýblıkalyq mańyzy bar «Jezqazǵan – Sekseýil» temir jolynyń bastalýyna osy mekeme atsalysty. Olar ótken jyldyń ózinde eki myń shaqyrym jerdi qamtıtyn temir-beton shpalyn tapsyrys berýshilerge jóneltken. Shyndyǵynda, bul temir jol salasyna óte qajetti buıym.
Qazaly óndiristik bazasy 1978 jyly qurylǵan. Onyń alǵashqy ataýy – №3 mashına stansasy. Ol kezde bul mekeme «Remjol» respýblıkalyq birlestigine qaraǵan. Jalpy, Qazaly óndiristik bazasynyń mártebesi san márte ózgergenimen, áli kúnge deıin jurtshylyq ony eski ataýymen ataıdy.Qazir baza eńbekkerleri qarbalas tirlikke kirisip ketken. Sheber Berik Aryqbaevtyń qaramaǵyndaǵy 29 adamnyń árqaısysyna bekitilgen óz jumysy bar. Biri temir-beton shpalyn daıyndasa, al ekinshi biri jol jóndeý isimen shuǵyldanady. О́tken jyldyń sońynda olar eki shaqyrymnan asa jolǵa jetetin temir-beton shpalyn ázirlep shyǵardy. «Bastysy, jumys barysynda qatelik jibermeýimiz qajet. О́ıtkeni, temir jol salasy – halyqtyq mańyzy bar basty nysan. Sondyqtan, árbir adam taǵdyry bizderge zor jaýapkershilik júkteıdi», deıdi B. Aryqbaev.Mundaǵy barlyq tehnıkalar aýyr salmaqty. Rels ústinde júretin 102 tonnalyq krandy basqarýdyń ózi ońaı emes. Ásirese, aptap ystyq pen saqyrlaǵan sary aıazda eń dalada jumys isteýge ekiniń biriniń dáti shydamaıdy. Eski joldardy jańalap, júk kóliginiń dittegen jerine jetýine osyndaǵy mamandar jyl mezgiliniń ár ýaqytynda saqadaı-saı ázir turady.Kópten beri osynda eńbek etip kele jatqan qazirgi baza bastyǵy Baıteli Ahmetpen birge kezinde qyzmet istegenderden Ábdirahym Dosanov qana qaldy. Ábdirahym aǵamyz óz qoltańbasyn qaldyrǵan mekemede búginde kúzetshi bolyp júr. Bul jer sonaý 1978 jyly «Qyzyltý» kolhozynyń ıeliginde bolyp edi. Ol kezde sý mol bolǵandyqtan, jergilikti halyq baý-baqsha egip, jer rızyǵyn tıimdi paıdalana bildi. Keıin osy mańǵa qýatty óndiris salý josparlanyp, jer-jerden mamandar kele bastady. Al jaqyn arada qurylysy bastalǵan «Jezqazǵan – Sekseýil» temir joly bizge ǵana emes, ózge óńir turǵyndaryna da tıimdiligi mol bolmaq, dep jaıdary ún qatty Á.Dosanov.«Jezqazǵan – Sekseýil» temir joly merziminde aıaqtalýy úshin Astanadan «Jol jóndeýshi» JShS kelip, úsh úlken avtokrandy jóndeýden ótkizgen. Sondaı-aq, jol boıyn jaryqtandyrý isi sátti júrgizilýde. Qazaly óndiristik bazasy dál qazir osy mańyzdy nysanǵa qatysty temir-beton shpalyn ázirlep, qyzý eńbek ústinde.Temir jol salasy qaı kezde de ekonomıkamyzdy óristetýge aıryqsha úles qosyp keledi. Basty býyn osynysymen erekshe. Joldan qalmaýdy murat tutqan barshamyzdyń tirshiligimiz osy qurylymmen bite qaınasyp jatqany shúbásiz.Ámirhan ALMAǴANBETOV.