Aqtóbede «Otbasyn saqtaý» ortalyǵy ashyldy

Ortalyq mamandary otbasy qundy­lyq­taryn alǵa tarta otyryp, ajy­rasý kezeńinde ári-sári júrgen erli-za­ıyptylarǵa moraldyq jáne psı­hologııalyq kómek kórsetýdi kózdeıdi. Olar­dyń arasyndaǵy ártúrli túsi­nis­peý­shilik pen kelispeýshilikterdi eńserýdi, qajetti kómek kórsetýdi murat tutady. Aqtóbe qalalyq soty­nyń sýdıasy Aıgúl Abdýllınanyń aı­týynsha, bul ortalyq neke buzý úde­ris­­teriniń tómendeýine, eń bastysy otba­sy­nyń saqtalýyna tıisti yqpalyn tıgizbek.

Kámelettik jasqa tolmaǵan balalar­dyń quqyǵyn qorǵaý men olardyń to­lyq otbasynda tárbıelenýi úshin baǵyt-baǵdar berý isi de ortalyq qyz­met­kerleriniń enshisine tıip otyr. Mundaı ortalyqtyń qajettiligi tómendegi derekterden aıqyn kórinedi. Aıtalyq, 2018 jyldyń 4 aıynda Aqtóbe qalasy boıynsha nekeni buzý men ajyrasý úshin sotqa 1002 talap aryz tússe, bul san bıyl osy kezeńde 1264-ke ósken. Onyń birqataryna tıisti sheshim shyǵarylsa, birazy eki taraptyń tatýlasýyna baılanysty toqtatylǵan. Bir jaqsysy, oń qadamǵa barǵandar qatary ótken jylmen salystyrǵanda eki ese kóp. 

Áıtse de oblys ortalyǵynda ajyrasý kórinisteri kóbeıip otyrǵany qyn­jylt­paı qoımaıdy. Osyndaı jaǵ­daıda otbasyn saqtaý ortalyǵy keleń­siz kórinisti boldyrmaý men erli-zaıyp­ty­lardyń basyn qaıtadan qosý baǵytynda eleýli ról atqarary anyq.