«Qazaqstan» respýblıkalyq teleradıokorporasııasy» AQ Basqarma tóraıymy Lázzat Tanysbaıdyń buıryǵymen tanymal telejýrnalıst Meıirjan Álibekuly «Jambyl» oblystyq teleradıoarnasynyń dırektory laýazymyna taǵaıyndaldy. Bul týraly QazAqparat tilshisi habarlady.
Meıirjan Álibekuly 1984 jyly týǵan. Ál-Farabı atyndaǵy QazUÝ, Jýrnalıstıka fakýltetiniń túlegi. Alǵashqy eńbek jolyn «Atyray» oblystyq telearnasynan bastady. Ár jyldary «Qazaqstan» ulttyq telearnasynyń Aqparattyq-saraptamalyq baǵdarlamalar dıreksııasynda tilshi-sarapshy, redaktor-júrgizýshi, Qazaqstan Prezıdentiniń jýrnalıstik pýl tilshisi, shef-redaktor, dıreksııa dırektorynyń orynbasary qyzmetterin atqardy.
Qalyń kórermenge «Jańalyqtar», saıası-saraptamalyq «Apta.kz» baǵdarlamasynyń tizginshisi retinde tanymal. QR Prezıdentiniń BAQ salasyndaǵy syılyǵynyń ıegeri, QR Aqparat salasynyń úzdigi. «Halyq súıiktisi» ulttyq júldesiniń laýreaty, «Nur Suńqar» baıqaýynyń jeńimpazy.