Almaty qalasynyń ákimdigi Arys qalasyndaǵy tótenshe jaǵdaıdan zardap shekken balalarǵa qoldaý kórsetý maqsatynda aǵymdaǵy jylǵy 12 shilde men 3 tamyz aralyǵynda Almaty qalasyndaǵy Oqýshylar saraıynyń «О́rnek» jazǵy saýyqtyrý lagerine jalpy 150 oqýshyǵa, 14 jetekshige demalys uıymdastyrdy.
Búgin tańerteń 1 aǵyn boıynsha 75 oqýshy saǵat 13.05-te Almaty qalasyndaǵy «Vokzal-2» beketine kelip tústi. Vokzalda balalardyń kóńilderin kóterý úshin estelik syılyqtar berilip, ár-túrli qoıylymdarmen anımatorlar, sırk ártisi Murat Muturǵanov otbasymen jáne kolledj stýdentteri «Arys, Biz birgemiz!» atty flesh-mobyn uıymdastyryp, qarsy aldy.
Balalardyń qaýipsizdigin saqtaý maqsatynda polısııa qyzmeti tarapynan vokzaldan lagerge deıin avtobýstardy jolda súıemeldeý boıynsha yqpal etiledi.
23 shilde kúni 2 aǵyn boıynsha Arys qalasynyń taǵy 75 oqýshysy atalǵan lagerge keledi dep kútilýde.