Senbi, 23 aqpan 2013 7:19
Qozapaıa degendi maqtaly óńirdiń halqy bolmasa, basqa jaqtaǵylar jaqsy bile bermeýi múmkin. Ol – maqtanyń sabaǵy. О́nim alynyp bolǵannan keıin erinbegen el alqaptan osy sabaqty ketpenmen shaýyp, jınap alady. Sóıtip, oshaqqa jeńil-jelpi tamaq istegende otynǵa paıdalanatyn. Osydan keıin: «Qozapaıanyń qazan túbin qyzdyrǵannan basqa paıdasy joq», dep oılap júrýshi edik. Qatelesippiz. Jaqynda Jetisaı qalasynda maqtanyń sabaǵynan qurylysqa jáne jıhaz jasaýǵa qajetti taqtaıshalar shyǵaratyn kásiporyn jumysyn bastady. Údemeli ındýstrııalyq-ınnovasııalyq damý baǵdarlamasy aıasynda iske qosylǵan bul «SapaInvestPlıýs» JShS-i maqtany qaldyqsyz óńdeýge múmkindik berdi.
Senbi, 23 aqpan 2013 7:19
Qozapaıa degendi maqtaly óńirdiń halqy bolmasa, basqa jaqtaǵylar jaqsy bile bermeýi múmkin. Ol – maqtanyń sabaǵy. О́nim alynyp bolǵannan keıin erinbegen el alqaptan osy sabaqty ketpenmen shaýyp, jınap alady. Sóıtip, oshaqqa jeńil-jelpi tamaq istegende otynǵa paıdalanatyn. Osydan keıin: «Qozapaıanyń qazan túbin qyzdyrǵannan basqa paıdasy joq», dep oılap júrýshi edik. Qatelesippiz. Jaqynda Jetisaı qalasynda maqtanyń sabaǵynan qurylysqa jáne jıhaz jasaýǵa qajetti taqtaıshalar shyǵaratyn kásiporyn jumysyn bastady. Údemeli ındýstrııalyq-ınnovasııalyq damý baǵdarlamasy aıasynda iske qosylǵan bul «SapaInvestPlıýs» JShS-i maqtany qaldyqsyz óńdeýge múmkindik berdi.
О́ndiris orny jylyna 50 myń tekshe metrge deıin daıyn ónim shyǵarýǵa qýaty jetedi. Bul iske bas-aıaǵy 450 mln. teńge jumsaldy. Onyń ishinde kásiporyn quny 212 356 588 teńgeni quraıtyn qural-jabdyqtardy lızıngtik nesıege alǵan. Tusaýyn kesken bir aı kóleminde zaýyt 200 tekshe metr daıyn ónim shyǵaryp úlgerdi. Onyń sapasy joǵary, baǵasy arzan. Ári salmaǵy jeńil jáne qatty, berik. Baǵasy Reseı jáne basqa da shetelderden ákelinetin ónimderge qaraǵanda 20-30 paıyzǵa tómen. Sondaı-aq, zaýyt janynan óndiriske qajetti jelim shyǵaratyn seh iske qosylǵan. О́nimniń ózindik qunynyń tómen bolýynyń bir sebebi de osy bolsa kerek. «Bul press taqtaıǵa suranys jaqsy. Bir Maqtaaral aýdanynyń ózinde 30 shaqty jıhaz jasaıtyn kásipkerler bar eken. Kórshi aýdandardy bylaı qoıǵanda, Shymkent, Almaty jaqtyń iskerleri de osy taqtaılarǵa qyzyǵýshylyq tanytyp jatyr», deıdi kásiporyn basshysy Nurmurat Mazarapuly.Sóıtip, qozapaıa aıaq astynan tabys kózine aınalyp shyǵa keldi. Zaýyt sabaqtyń ár tonnasyn 3-3,5 myń teńgeden qabyldap alyp jatyr. Biraq dál qazir maqta alqabyna kirý múmkin emes. Jer laısań. Onyń ústine sor shaıý jumystary júrip jatyr. Sondyqtan ketpen alyp, qozapaıa qoparyp, alqapty aralap ketý qıyn. Al, ázirge sonaý qara kúzde maqta sabaqtaryn aýlasyna taý qylyp jınap qoıǵandardyń qoly júrip tur.Oralhan DÁÝIT,«Egemen Qazaqstan».Ońtústik Qazaqstan oblysy,Maqtaaral aýdany.