О́ńirde alǵash ret qolǵa alynyp otyrǵan tyń joba endi 5 aı boıy halyqqa qyzmet kórsetetin bolady. Basqarma basshysy Qarlyǵash Aralbekovanyń aıtýynsha, atalǵan ekskýrsııalyq avtobýstar eń áýeli oblystaǵy mektep oqýshylaryn, kolledj jáne joǵary oqý oryndary stýdentterin tegin tasıdy. Sonymen qatar, ekskýrsııalyq avtobýstarmen kópbalaly otbasynan shyqqan balalar men turmys jaǵdaıy tómen otbasylardan shyqqan oqýshylar da qamtylady.
Túrli sanattaǵy turǵyndarǵa tegin qyzmet kórsetetin ekskýrsııalyq avtobýstar Taraz qalasynda negizgi baǵyttar boıynsha júredi. Al, ár aptanyń demalys kúnderi óńirdegi tarıhı-mádenı eskertkishterge eki baǵyt boıynsha saıahattar uıymdastyrylady. Turǵyndar birinshi baǵyt boıynsha «Kóne Taraz» keshenine, Qarahan, Aısha bıbi, Babadja hatýn, Dáýitbek kesenelerine, Qalı Júnis meshitine, «Tórtkúl» kerýen saraıyna, «Qazaq handyǵyna 550 jyl» monýmentine, Aqyrtas keshenine barsa, ekinshi baǵyt boıynsha «Kóne Taraz» mýzeıine, ortaǵasyrlyq Qalı Júnis monshasyna, Qarahan, Dáýitbek, Tekturmas kesenelerine, Tórtkúl jáne Aqyrtas keshenderine saıahat jasaıtyn bolady.
Jambyl oblysy